إخوات ايه
وصراع على الورث فيه مواويل
مش طبع جديد دا طبع قابيل
كان ناوي القتل وبرضو
حطينا لروحنا التبرير
الدم أصبح ماية
وأهي جارية ما بين إخوات
مش فارقه مين القاتل
ولا فارقه مين هنا مات
دي الغابة، وحوش لكن
فيها الوحوش عايشين
اهو يعني قطيع موجود
عايش قطيع بسلام
تفتكروا الحب ما بينا؟
ولا يا دوب أفلام؟
إخوات، وآهات، ومحاكم
دايرة ما بين الاتنين
لا إزاز يا قلب الأم
مكسور ما بين طرفين
وعداوة وشبت بين الأولاد
مين فيهم يشبه أبوه؟
وهي دنيا ودايرة
ما بين الغدر، وأخد التار
والحرب القايدة بتشبه نار.
يانفس كفي عن الأعذار.
ما تحني لناس طبعها غدار
وتقولي دا بكرا طلعله نهار
بنعيب الزمن ولا
هو اللي عيًب فينا؟
بنلوم الزمن لما
سهم البشر بيجينا
لأمو الغراب، لما
علم قابيل الدفن
وقالو رمز الشوم
ارموه بطن هموم
سموه خراب البيت
عشان ستر جسمان
ربك وحكمته
علم البشرية
من أضعف الحيوان.
غريب أوووي الإنسان
الأم تقتل ابن
وتقول فقير الحال
ونبرر الموضوع ونقبض الأموال.
يا قاضي فين العدل؟ أنا حقي ليه متهان؟
دا لأني صاحب حق
إدوها ليه تأجيل
مش أم دي لا
ولا رمز للرحمة
ياقاضي فين العدل؟
أنا أبويا سابني وحيد
وملييش هنا متوى
ورماني عمي بعيد
وحرمني من المأوى.