"الخطوبة": أهمية العلاقة بين الأب وابنته في الحياة الزوجية

 -عريس يا بويا

*....

-جالي في الحلم وقالي انا اخوك يافواز

*فيروزوز 

-ايه يا حاج بضحك معاك متبقاش قفوش 

*في ايه 

-عريس 

*ده اللي هو ازاي أن شاء الله

-واحد شافني في الكورس اللي بروحة وطلب مني رقمك 

*وانتي وقفتي معاه عادي وكلمتية 

-هو نده عليا بحسبه محتاج مساعده لقيته بيطلب مني رقمك 

*وحبيبة ابوها اديتهوله طبعا 

-عيب ياحج تعرف عني كده اديتهوله طبعا 

*فيروووز 

-يابابا ما طلبه مني قبل كده بس مكنتش بقف وامشي علطول 

*الله اكبر وكان في قبل كده 

-اي ياحج مانا حكتيلك 

*اه صح اي الأوفر ده 

-تعيش الدور انت ياحجوج 

*وفيروزتي رأيها ايه 

-اهي بعد فيروزتي دي مش هسيبك لا والله اللي تشوفه يابابا 

*والله بقينا وش كسوف اوي 

الواحد بيكون منطفي والاكتئاب خلاص بيدق بابه اول مااسمع صوت بابا الدنيا بتنور لوحدها كده وقاعده معاه ما كوباية شاي بالنعناع في ساعة روقان بالدنيا كلها 

*ازيك يابشهمندس عرفني بيك بقي

-ازيك ياعمي انا حمزة  29 خريج هندسة الحمدالله عندي شركة صغيره علي قدي كده وعايش انا ولدتي والدي واختي الصغيره وعندي شقتي اللي أن شاء الله تكون للجواز و

بابا قطعه بسؤاله اللي كنت مستنياه ماهو اكيد المقابلة مش هتعدي بسهولة 

*كل ده علي راسي هو مهم بس الاهم عندي انت هتقدم ايه لبنتي عشان اديهالك اي يخليني اديهالك كده 

-من حق حضرتك طبعا انك تطمن علي بنتك انا الحمدالله حافظ كتاب الله وعارف اني احافظ عليها من نفسي اولا قبل ما احافظ عليها من اي حد ممكن يأذيها 

الرسول صلى الله عليه وسلم وصانا عليهم وقال "رفقا بالقورارير" هنيجي احنا ونخلف وصية الرسول لينا 

وان شاء الله لو حضرتك وافقت والأستاذة فيروز كان ف قبول وافقت هيكون في فتره خطوبه اللي هتثبت لحضرتك اني اكون جدير بيها 

تمام هسيبكوا مع بعض شوية فيروزتي انا بره لو احتاجتي حاجه اندهي عليا 

*باباكي شكله متعلق بيكي 

- ايوه بيحبني بابا عاش عشانا بابا حبيبي الاول والأخير اني انا لحد دلوقتي مش متخلية اني ممكن اسيبة امشي 

انتهت القعده واتعملت خطوبة صغيره وكان فيها كل ضوابط الخطوبه وطبعا لا تخلوا من المشاكسه بين بابا وحمزه وكأني حاجه بيشوف مين هياخدها من التاني وطبعا بابا كان بيطلع كسبان في كل مره 

"بارك الله لكما وبارك عليكما وجمع بينكما في خير"

طبعا الجملة اللي كلنا نفسنا نسمعها 

بعد المأذون ماقال الكلمه دي تلاقي عيني راحت لبابا ودورت عليه وروحت لحضنه مانا مش متخليه نفسي غير معاه وأنه الوحيد الأحق بلحظه دي مش اي حد تاني 

الحضن التاني هيجي بعدين ياولاد لا تستعجلوا 

-كانوا بيقولوا في حضن كتب كتاب وكده 

*لاسمح الله مين قال الكلام ده 

بابا جه  لينا *اه صح اعوذ بالله مين قال الكلام ده ياولد 

دمت عزيزي وعزتي وعزي ..

فأنت حبيبي الأول .. وعيني الثالثة .. وملجأي بعد الله

طاب بك العمر يا سيد الرجال .. وطبت لي عمراً يا أبي

بقلم: أمل محمد