ألم تفزع يا هذا!
أخبرتك أننا طُردنا من الجنة، وكتب علينا العذاب بسبب سجدة لمخلوق، فكيف لك أيها الأنسي الجاهل أن ترفض السجود لرب المخلوقين؟!
أقلّ صلاة بها أربع سجدات، فكيف يأبى عقلك، بل كيف يأبى قلبك؟.
الفصل الرابع
تماره... يكون هو نفسه؟
أم تماره.. هو مين يابنتي؟ أحنا لازم نوديكي لشيخ، الموضوع زاد عن حده أووي.
والد تماره .. أنا بقول كدا برضو، نشوف الشيخ إسلام كويس أوي وهيقولنا في إيه.
في بيت الشيخ إسلام:
والد تماره...... السلام عليكم يا شيخنا، أخبارك أيه.
الشيخ إسلام.... وعليكم السلام يا أبو تماره ... في زحام من النعم الحمد لله.
أقعدي يا تماره متخفيش.
بدأ الشيخ إسلام في تلاوة بعض المقاطع من سورة البقرة "....... ما جئتم به السحر فإن الله سيبطله" وتابع (أقسمت على سكان هذا الجسد، أقسمت على كل جان، سواء حاسد أو عاشق أو ماس ..)وقبل ما يكمل..
تماره بصوت مخيف وعيون مبرقه وبتنزل دم....... محدش هيخدها مني، هي بتاعتي بس، محدش هيخدها مني .
إنهارت والدة تمارة من البكاء على ابنتها... بنتي بنتي .
الشيخ إسلام... لا إله إلا الله الله اكبر الله أكبر الله أكبر على كل من تجبر الله أكبر من كل جان الله أعظم.
تماره بصوت مخيف وجسدها ينتفض ويديها تقطر دمًا... مش هخرج، هي ليا وبس.
الشيخ إسلام... بأمر الله ستخرج، وليس لك علينا من سلطان، بأمر الله ستترك هذا الجسد، أقسمت عليك بإسم الله الحي القيوم، أقسمت عليك باسم الله العلي العظيم.
تماره بنفس الحالة... أنا هخرج؛ بس راجع، محدش هيخدها مني هي ملكي وبس.
فجأه أغمي عليها، وتوقف النزيف، وسكن جسدها
واستيقظت على صوت في أُذُنيها يردد:
....... قومي يا تماره، أنا جنبك.
استيقظت فجأة فزعة مما حدث.... هو أيه اللي حصل؟ في أيه؟ منين الدم دا؟
الشيخ إسلام... حمدلله على سلامتك يا تماره.
تماره بخوف.... كان في صوت تاني جوايا، صوت بيقولي قومي أنا جنبك، صوت شخص أنا عارفاه، هو مين. صوت نجاني.
الشيخ إسلام..... أهدي يا تماره، هتبقي كويسة، هو بس الجن مارد، وعاشق شديد، ودا الّي مخليكي بتتخيلي كل دا.
تماره.... مش تخيل، دا بجد صدقني.
الشيخ إسلام... خدوها على البيت تهدى.. وياريت تحافظ على صلاتها، والأذكار، والقرآن
ولو ينفع تسيبوا البيت.
والد تماره... شكرًا يا شيخنا شكرًا جدًا.
في بيت تماره وتحديدًا في غرفتها.
هدوء قاتل ...... صوت هاتف تماره يرن..
تمارة.... الوو، أيوه مين .. طب .. رد عليا .. مراد أنت مراد صح؟ هو نفس الصوت.... أنت إزاي بتكلمني؟ المكالمة فصلت.
رسالة ...(مش مهم أنا مين و إزاي .. المهم أني اطمنت عليكي وأنك بخير متقلقيش)
تماره بدموع بتحاول تبعت رساله للرقم
(أنت مراد)... فشل الإرسال، أنت مراد ...مرة تانية فشل الإرسال، لا يمكن محادثة هذا الرقم.
تماره بفزع وخوف.... إزاي؟ في ميت بيمسك فون، إزاي؟؟؟
أسالة كثيرة تدور في رأس تماره صداع شديد، بدأ صوت بالحديث معها.
تماره أهدي ومتخفيش، أنا جنبك متفكريش كتير .
تماره... أزاي سامعاك؟ إزاي بتكلمني؟ إزاي؟
الصوت....متفكريش، نامي دلوقتي .
تماره....أنت مت صح.
الصوت....هتعرفي كل حاجة.
تصحيح: جهاد هاني
بقلم:نورا عنتر