إياك تستسلم للماضي
وفي وسط الضحكة حاجات تانية
بتصحي جروح كانت نايمة
وفي نص اللمة أشخاص باهتة
بتستدعي أوجاع كانت بايتة
إنجازك مش دايما متشاف
وحياتك ابعدها عن الشفاف
خليك دايما شخص شغوف
واوعى في يوم يحكمك الخوف
خلي أسرارك بس لنفسك
اوعى تبوح ولا حتى لصحبك
مش كل الصحبة تكون زيك
ولا كل الخلق تكون منك
اوعاك تستسلم يوم لجراح
اوعاك للحب تبقى مباح
اوعاك مره تقول هرتاح
وتسيب الحلم يعيش في براح
إياك تستسلم للماضي
وتحن لشيء راح على الفاضي
إياك تخطط للجاي
وتقول للدنيا تعزف ناي
لسة بتقرأ مني رسايل
لسة نصايحي في قلبك شايل
لسة بتحلم تبني جمايل
لسة بتحلم تبقى جميل
بالقلم:نورا عنتر
القسم:
شعر