نص جمله بدون بواقي
قال:( بحبك بس انا)
لسه للكلام دا باقي
قولّي انَك ملكي انا
لسه ف القصه كماله
لسه بنا حاجات جُمال
كل ثانيه بألف حاله
مره هجر مره وصال
قولي امتى هتبدي
تخطي خطوه للحياه
قلبي كَل من الفراق
امتى هيحين اللقا؟
قالي: اصل الدنيا جارحه
امتى جمعت الحبايب؟
عيشي ف الدنيا بفرحه
وف النهايه نصيبنا غالب
مين عالم نصيبِك فين
ما يمكن بكره تبقيلي
ومين عالم هتبقي لمين
ما يمكن تبقي نور ليلي
اكيد لنصيبنا رأي جديد
وجايز يوم يجمّعنا
بحبك اه وبالتأكيد
لكن اقدارنا تمنعنا
نكون مع بعض ونكمل
ونكتب بكره بـ ايدينا
نعيش الحلم فـ الواقع
لكن دنيتنا مش لينا
نص جمله بدون معاني
قلبي مفطور بالفراق
لحد امتى انا هعاني؟
وقلبي واجعه الاشتياق؟!
بقلم : شيماء البنا
القسم:
شعر
دام التألق ، كاتبه رائعه، ❤ احسنتي
ردحذف