فلسطين قلب كل عرابي (في المفتتح)
مغزى القصيدة شعر خام مسرود
حبة عروض تفجير نهايه الصبر
شاعر بيسرد من قويلبه الآه
تسمع ساعتها الناس تقول الله
شاعر بينزف من ضلوعه الحبر
ازاي اقول للناس جبر الخواطر فرض
وأنا خاطري متفتت يشبه ازاز على الارض
كما طير مهاجر من بلاد الغرب
علشان يموت برصاصه في فلسطين
أنا قلبي أصله حزين
عاشق يا ناس للشعر
والشعر منصفنيش
أحكي اللي حسيت بيه
طعم الوجع مخاويه
للقدس هيقول ايه؟
دا الطفل في فلسطين
كهل وشايل هم
عايش حياته حزين
بين الحروب والدم
ماشي يقول للعرب
أخوك في محنه اهتم
واحنا العرب في براح
لا فينا صوت لهتاف
ولا إيد تشيل في سلاح
ربطوا بشال العزة
وسط الصبيه العذراء
وسبوها تترقص
وقالوا الفرح سُنه
ولما قُلت يا ناس
فلسطين أهي بتنداس
وبتغتصب علنًا
ومفيش مجال للهُدنة
قالو اختشي دا عيب
وبلاش كلام فاضح
البنت اهي بتتكسف
وحمار خدها واضح
فضلت بصوتي أنادي
ردت بصوت مكتوم
قلت يا قدس سلام
فضلت ساعتها تقول
هدني كيد الأعادي
لسة فيكي يا قدس روح
ولا برضه المرة دي
هنقول سماح
وال رايح يعني راح
وال جاي هنسيبه عادي
دأبت جبال الصبر
ووحيدة يا فلسطين
يتيمة ملهاش حد
راحت ضحية مين
دبحوها بالسكاكين
وقالولها عيب تصرخي
أصل العرب نايمين
يا خسارة يا فلسطين
فيكي البنات بتحارب
ماسكة في إيدها أحجار
وشبابنا يتباهوا بشياكة وسجار
نرجع لذاك الطير
قبل الرصاصة بميل
سأل الطيور في السير
الأرض ليه لابسة هدوم حمرا
وأنا ليه بحس ف دمعتي جمرة
وليه رصاص اليهود
ساكن قويلب الأم
ولسه بتتنفس
لكن الوليد ف الدم
أنا لسة شايف أم
أهي بتتألم
ودمعة جنين على الارض
ماشيه بتتيتم
أنا
أنا شفت ذاك الطير
قناصة بين ضلعين
وعرفت ليه الأرض
بقى لونها يعني أحمر
وعرفت ليه جدي
قالي يا ولدي
الأرض من دمك
ودمك هي الأرض
حافظ على فلسطين
واحفظ هنا عرضك
#نورا_عنتر