جت سليمه
كل يوم بتمني إني
اعدي يومي من سكات
ولا دمعه تنزل غصب عني
ولا حلمي يصبح يوم رُفات
كان عندي حلم جميل ف صغري
إني اصبح يعني شاعر
اكتب الكلمه بحداقه
وارسم الورده ف سطور
إني اترجم ف المشاعر
إني أوصف حلمي نور
واكتب إني الحزن جاهل
والحياه ماشيه تدور
أوصف إني الدنيا ماشيه
جو موج كل لما يعلي صوته
يرموا واحد من السفينه
أوصف إني الخوف دا فينا
وإني حزن الدنيا قادر
يهدم الحلو الي فينا
كلاكيت
بعد مرور 6 سنين
علي حلم عاش ويا الحنين
كبرت فجأه لقتني شاعر
ويا قلمي محبوسين
خايف
خايف ينزف حبري علي الورق
فاكتب بشوق إني حلمي اتسرق
واكتب بحزن إني قلبي انحرق
ويا القصايد من سكات
أنا شخص عايش بس مات
الشعر وصف الموجوعين
الشعر حبر العاشقين
الشعر اصله اكبر كمين
بتصقفولوا من الغباء
بيكتب بدم المجروحين
وتقولوا كمل ايوه عاش
ويوصف ف شتاء البردانين
وتقولوا ايوه
وتقولوا بعده كمان امين
دا الشعر اصلا أصله ديه
ولا عمري مره سمعت غنوه
ولا حتي سهرت بشرب ف شاي
ولا عمري عزفت عود كمانجه
ولا حتي سمعت حزن ناي
فقولولي كيف الغناء
بيريح القلب الحزين
وليه الشعر مقبلش فديه
ولا حتي راضي برد دين
اهي جت سلميه
جت سليمه ف كل شيء إلا قلبي
دوقوني المُر لكن/قالو عيل صعب يحبي
ايوه عيل لسه ببكي
جت سليمه فوق يا قلمي
بقلم الشاعره:نورا عنتر