ألم تفزع يا هذا!
أخبرتك أننا طُردنا من الجنة، وكتب علينا العذاب بسبب سجدة لمخلوق، فكيف لك أيها الأنسي الجاهل أن ترفض السجود لرب المخلوقين؟!
أقلّ صلاة بها أربع سجدات، فكيف يأبى عقلك، بل كيف يأبى قلبك؟.
الفصل الخامس
نووم عميق ... بعد تفكير أعمق
صوت رسالة على هاتف تماره
(قومي يا ست الكل، كل دا نوم؟ )
تماره ف سرها... رنيم، دا وقتك؟ هرن عليها كدا ونخرج نغير جو...
تماره.... السلام عليكم
رنيم ..وعليكم السلام، أيه يا ست البنات نسيتينا ولا إيه؟!
تماره .. مقدرش، أخيرًا نمت بعد عذاب.
رنيم.. دا احنا نحتفل بقا.
تماره .. طبعًا طبعًا ساعة هكون عندك ياقمر.
رنيم... ماشي يا ست البنات، سلام.
تماره...سلام
تماره جهزت وخرجوا
فكافيه روجينا........
تماره.... أخيرًا هديت يابت يا رنيم، وأعصابي ارتاحت.
رنيم ...ومراد!؟
تماره ... مات عاش، مش عارفة.
رنيم بضحك..... رجعنا للتعاويذ تاني.
تماره... مراد!
رنيم.... أيوه، مالو؟!
تماره بخوف.... مراد!
رنيم.... انتي علقتي ولا إيه؟
تماره... مراد هو دا، بصي وراكي.
رنيم بخوف.... أبص أبص أبص فين؟ انتي بتقولي أيه؟
وبسرعه بصت وراها
فجأه ملقتش حد..
رنيم ... حرام عليكي ياتماره دا وقت هزار.
تماره... مش بهزر كان واقف مع الكاشير أنا متاكدة.
رنيم .... أنتي سخنة، مراد مات يا تماره.
تماره بهدوء.... يا لا نمشي.
فبيت تماره:
تماره.... أيه دا؟ عندنا ضيوف.
والد تماره.... خشي يا حببتي، دا تميم ابن عمو محمد، جاي يطلب أيدك ..
تماره بدهشة... خير يابابا، الّي فيه الخير يقدمه ربنا.
تماره بتكلم نفسها.... هو أنا كنت نقصاك أنت كمان .
قطع تفكيرها صوت مامتها .... تماره ياحبتي، احنا مش بنجبرك احنا هنسيبك تفكري براحتك.
بعد اليوم ما خلص تماره فاوضتها...
رسالة على فون تماره من رقم مجهول
(كنتي حلوة أوي النهارده )
تماره بخوف.... مراد! أنا متأكدة، لازم أشوف حل للموضوع دا.
الباب بيخبط ..
فتحت تماره الباب فوجدت هدية بدون شخص، مكتوب عليها اسمها!
أخذتها بسرعة ودخلت غرفتها وقامت بفتحها، وهنا كانت الصدمة...
تماره..... دي الأسورة بتاعت مراد، أنا متأكدة، أنا شفتها في أيده لما وقفني قبل كدا ...
لا كدا لازم أسال عن قصه مراد دي وازاي مات؟ ولما مات مين كان عارف القصة؟ وعارف أنه بيحبني؟ طب لو مامتش إزاي بسمع صوته؟؟
كل دي أسألة كانت تدور بعقل تماره، ومن شدة التفكير غرقت في النوم.
واستيقظت في يوم جديد على صدمة جديدة..
تصحيح :جهاد هاني
بقلم نورا عنتر