بعد نص الليل دي كلمة بتختلف من جيل لجيل
بعد نص الليل كلمة بتختلف من حال لحال
بعد نص اليل كلمه بتختلف من مكان لمكان
بعد نص الليل لعسكري واقف في الخدمه بردان
في عز الشتا شايل سلاحه ومركز وفهمان
علشان يحمي بلاده من كل فاجر ومحتال
ويجيله تعينه مسروق نصه والنص التاني تلفان
اه تلفان بسبب التخزين والصلاحية والمصلحة
المصلحة ال خلت مصير العسكري بايد شويه أوباش
بيسموهم صف الكلاب أأأأ أققصد صف الضباط
هما فعلًا كلاب!
ال يجي على العسكري الغلبان كلب
وال ينهب تعين العسكري كلب
وال يبقى عيل عندو ٢١ و٢٢ سنة ويتحكم في ٢٥ و٢٦ سنة علشان السلطة والميري برضه كلب
ال أخره معاه إعدادية ويتحكم في مدرس ودكتور ومهندس ويهينهم علشان الغيرة برضه كلب
عرفتوا ليه بيقولو عليهم صف كلاب
وطبعا برضو فيهم المحترم والأمين
ال على البلد دي وشبابها خايفين
وليهم دايما ناصحين وموجهين
دول ال دايما يتقال عليهم مشرفين
المهم نرجع لموضوعنا الأساسي وهو بعد نص الليل
بعد نص الليل للعاشق الولهان؟
يبفكر في حبيبة القلب والمعشوقة والأمان
بيفكر في بكرة أحلى مع البيت والحب والاطمئنان
بيفكر في مستقبل مشرق وعربية وفيلا كمان
دا كله ومزاجه رايق وبالحب ولعان
الحب أجمل شيء في الوجود
الحب بيعلمنا المسامحة والفضل والجود
الحب بيعالج القلب من الجحود
الحب بيحول الانسان العادي لأسد الأسود
بعد نص الليل للمجروحين
قلة نوم وتأنيب ضمير
تفكير في الماضي الحلو منه والأليم
الماضي ال معدش ليه أي لازمة إلا الألم
الماضي الأليم بسبب شخص إما خان أو باع أو حسن تأنيب ضمير
أيوة تأنيب ضمير في ناس بتجرح وبتبعد بسبب الضمير
في ناس بتجرح نفسها مخصوص علشان تريح الضمير
يكون كدة بعد نص الليل حكايات كتير
منها الحلو ومنها الأليم
منها الشقيانين والمبسوطين
ومنها المستريحين والتعبانين
وكله بيتجمع بعد نص الليل
بروف: محمد الشربيني