غدر مِن مَن لم أتوقع فعلها

                         "غدر مِن مَن لم أتوقع فعلها !" 

وئام: ألو يا حبيبه.
حبيبه: ايه يا وئام، مال صوتك؟ 
وئام: سيف طلع بيخوني يا حبيبه.
حبيبه بدهشة: ايه؟ بيخونك إزاي وعرفتي منين؟ 
وئام: عرفت من على تليفونه.
حبيبه بتوتر: وعرفتي هي مين؟
وئام: لا معرفتش بس هعرف.
حبيبه: طيب إهدي يا حبيبتي، هو ميستاهلش دمعة من عينك أصلًا كلب وراح.
وئام: عندك حق والله، أنا هروح أنام، ولما أصحى هكلمك.
حبيبه: تمام يا بيبي تيك كير.
حبيبه: ألو يا سيف.
سيف: ايه يا قلب سيف.
حبيبه: مش وقته، وئام عرفت إنك بتخونها.
سيف: طيب وايه المشكلة يعني؟!
حبيبه: أنت عبيط ! بقولك عرفت إنك بتخونها، وقريب هتعرف إنك بتخونها معايا.
سيف: برضو ايه المشكلة !
حبيبه: المشكله إني أقرب صاحبة ليها، ويعتبر صاحبتها الوحيدة، وأكتر من أختها.
سيف: ومعرفتيش الحاجات دي غير دلوقتي ؟
حبيبه: خلاص بقا اللي حصل، شوف هنعمل ايه.
سيف: تمام يا حبيبه، هشوف وأقولك، باي.

                               بقلم: فاطمة سامي