إهداء إلى روح عمتي
لحظة فراقك لما قالوا إن أنتِ غبتي
كل شيء فيا قال راحت حبيبتي
شد حيلك؟ حيلي ايه؟
نعش جاي؟ نعش ليه؟
كفنوها قدام عنيا دون وداع
ماتت حبيبتي والقلب ضاع
يوم رحيلك أنا قلبي خاف
كدب ساعتها الخبر
وعنيا رفضت الاعتكاف
نزلت دموعي زي المطر
الكل شاف إن الحاصل
شيء طبيعي وهو ده يعني القدر
إلا قلبي
شاف الحياة من غير وجودك تشبه سراب
أو شخص عاش الباقي من عمره في خراب
أو بيت انهجر قبل الوصول
وفي لحظه لقاء أصبح تراب
مش قادرة أوصف بالكلام لحظة فراقك
ولا أعبر بالحروف مشهد وفاتك
ولا أنسى طيفك وازاي ساكن خيالي
وضحكتك وازاي دائما في بالي
وحشتيني
يا ضي القلب يا عيني
يا روحي يا قمري ووجداني
بالقلم:نورا عنتر
القسم:
شعر