الصبر محتم على الجميع والتقرب من الله يغنينا عن البشر

 "الصبر محتم على الجميع والتقرب من الله يغنينا عن البشر" 

خاطرة بعنوان: "العوض يأتي من الله"

أنا مِن أشد الناس اقتناعًا إن ربنا بيعوض الإنسان لدرجة إن ممكن ينسى هو خسر إيه في الأول أو ينسى الضيق، والتعب اللي مر بيه، بيعوضنا لدرجة إنك ممكن تفكر وتقول يا ريتني ما كنت اتضايقت لحظة واحدة قبل كده، ولا زعلت على اللي راح مني، هو عالم أنتَ بتمر بإيه، وعالم إنك جبت أخرك، وشايف إنك مش عارف تكمل، بس صدقوني كل ما كان إحساسك بالضيق أكبر، كل ما كان عوض ربنا لك أكبر، وأعظم، وأحلى، بس إحنا نصبر، ربنا بيسبب الأسباب زي ما بيقولوا، كل حاجة حواليك بتحصل لها سبب، ربنا بس اللي عارفُه، وأنت بتاخد بالك منه متأخر، بس لما ييجي الوقت وتاخد بالك منه عنيك بتدمع من جمال، وحكمة ربنا في كل حاجة.

بقلم: فاطمة سامي |طوما|