تايه بين الماضي والحاضر
رحت فين وجيت منين
وياترى أخرتها ايه معاك يا غلبان
كل يوم بتقوم تغسل وشك
وعلى سجاده الصلاه بتأدي
فرضك
ودعوة وحدة بس هي على
لسانك
يارب خليك معايا ومتسبنيش
ده أنا غلبان والحمل على كتفي
تقيل
نفسي أفرح بشبابي نفسي
أروح وأجي
نفسي يجي عليا لحظة أحقق
فيها احلامي
حملك تقليل عليا يا دنيا
من هنا ومن هنا محوطاني
مش هقول مش عارفك
ولا هقولك مش عايشك
بس هقول شايف فيكي تعبي
وهمي كل يوم قدامي
امتى أفرح وتخش الفرحة قلبي
تسكن فيه وتعشش من جوة
ذي بقيت الناس الهي حوليا
متعشمش في حد فيكي
ولا ييجي عليا يوم وأداريكي
ولا يوم أنام وأقوم وأنا شايل
فيكي
ألف هم
ليه يا دنيا بتحلوي في عيون كل الخلق
وتيجي عندي وتقفي
كأنك بتقولي يا واد بطل خفة
دم ولا يوم هييجي الفرح
بعد الهم.
بقلم: فاطمة محمود.
القسم:
شعر