عارف الدنيا
عارف الدنيا /أنا اكتر حد يخاف منها
عارف اللمه /أنا أول حد بيرفضها
طب عارف الناس /أنا كاره الخير لو كان منها
حتي الاحساس لو كان مقياس
ف أنا فاشل ف قياس الريختر
عارف الدنيا/ أنا اكتر حد يخاف منها
ولكني بعافر واتمظهر
مجبور علي شيء يتقالو حياه
واتكيف من هول المنظر
بتعلم فيها احداث الخوف
بحفظ كلمات ونقصها حروف
او يعني حروف وبدون تنقيط
او جلد خروف متدفي بخيط
او صوف منسوج بشكاير خيش
تشبه أشعار من غير قافيه
او قافيه نقصها تكَون بيت
مهو اصل الدنيا بضواحيها تشبه اخبار
احداث يوميه ومتذاعه ف قناه اخبار
طب عارف اللمه/أنا اول حد بيرفضها
مهو أصل اللمه تجبلي صداع
ولكنه صداع جوه جروحي
او حتي جروح جوا صداعي
مهو اصل اللمه تجبلي اوجاع
تشبه ندبات
او طلقة نار خارقه ضلوعي
بالقلم:نورا عنتر
القسم:
شعر