قد قالوا
قالولي الصحبه مش دايمه
ف حرص م اللي بتصاحبه
قالولي الكره ف قلوبهم
وعمر الناس ما بيحبو
مصدقتش و قولت محال
وفجأه يا صاحبي انقلب الحال
بقيت اكبر دليل واضح
بيثبت كل حرف اتقال
بقيت كاره ومش بتحب
بقيت قاسي ما عندك قلب
بقيت كالغير بدون تمييز
وأسوأ من عدو الحرب
قالولي الحب ده لعنه
بتأذي القلب لو صابه
قالولي بلاش تدوق حلوُه
ليجي يوم وتدوق عذابه
ودوقت المر لما طفحت
ياريت لو كنت يوم ما عشقت
ياريت القلب كان صخره
ولا حبيت ولا اتنيلت
واديني الآن
عايش ندمان
ف كهف صنعته م الوحده
بقيت زاهد
ومش زعلان
لا من صاحب ولا واحده
بقلم: شيماء البنا
القسم:
شعر
جميل جداً
ردحذف