سهرت الليل عشانه كتير
ف بُعده معدش قلبي بخير
تركني لوحدتي ووجعي
وبُعده مكنش له تفسير
مقالش أنا قلبي مش حابِك
مقالش زهقت من حُبك
وقبل ما يمشي متكلمش
مقالش فراقنا دا بسببك
هجرني وسابني منهاره
وجوا القلب ألف سؤال
فارقني وسابني محتاره
بفكر إيه اللي قَلَب الحال
ياريته قالي مش عايزك
ياريته كان كسر قلبي
لكن كانت دموعه دليل
بأن الذنب مش ذنبي
يا ليل احكيله عن سَهري
وقوله دي لسه اهي فاكراك
وفاكره وعودكم الحلوة
ومهما تغيب هتستناك
يا ليل بأمانه وصل له
سؤالي ورُد ليا جواب
ليه ساب القلب يشتاقله؟
وليه هجرني بدون أسباب؟
-شيماء_البنا
القسم:
شعر