منستكيش وبتوحشيني
منستكيش رغم البعاد....
رغم المسافات ....
رغم المحاولات الكتيره اني انساكي....
برغم اني انا الي سايب! بس برضو منستكيش.
منستكيش لان حبك صعب يتنسى...
منستكيش لأني عشت معاكي اجمل أيام حياتي وقصتي....
منستكيش لان حبك كان شريان حياتي وقوتي ....
منستكيش لأني عمر محبيت غيرك ولا هحب زيك…… لان باختصار مفيش ليكي شبيه ولا ليكي بديل.
انتي أجمل ما في الكون...
انتي ارق قلب
واخف ظل
وأجمل وجه مر عليا في حياتي كلها وحشتيني ...
وحشتيني ووحشتني ضحكتك ....
وحشتيني ووحشني جمال صوتك ورقتك ...
وحشني مكان لقانا ...
ووحشني كل مكان جمعنا...
وحشتني إسكندرية بس مش إسكندرية ديا اقصد إسكندرية بوجودك لان إسكندرية بوجودك غير ....
بوجودك إسكندرية احب المدن علي قلبي وفي غيابك اثقلهم وحشتيني .
وحشتيني ووحشتني أيامنا الجميلة ...
ايام حبنا ....
أيام عشقنا....
أيام عشنا فيها فرحه قلبنا ....
أيام عشنا فيها حلاوة عمرنا ....
أيام بشتاق لكل ساعه فيها اقصد كل ثانيه ...
أيام كنا فيها مع بعضنا... وحشتيني .
وحشتيني برغم اني عارف انها خلصت الحكاية بس برضو وحشتيني وبتوحشيني وهتوحشيني حتي لو كنتي لغيري وكنت لغيرك هتفضلي حبيبتي وهتوحشيني ....
بتوحشيني و بدعي ربي وبقول يارب تكرهيني....
علشان تعيشي حياتك وتفرحيني....
ايوا ا تفرحيني لما اشوفك مبسوطة بفرح...
لما بشوفك سعيدة بفرح .... يارب يسعدك بحياتك.
بقلم/ بروف: محمد الشربيني