نرجع لموضوعنا ونقول بعد نص الليل لواحد شقيان
علي اكل عيشو بيجري وتعبان
بيصحي من الفجريه علي شغلو فرحان
علشان يوفر ل اهلو لقمه بالحلال
يرجعلهم بعد نص الليل همدان
من كتر الشغل وبهدله الايام
الايام الي مبترحمش الشباب ولا الكبار كمان
لا هاممها شاب تعبان
ولا راجل شقيان
ولا طفل جعان
دايسه علي وش الكل ومكمله كمان
من اول النهار لغايه بعد نص الليل
بعد نص الليل للطالب الغلبان
سهران طول الليل بيزاكر وتعبان
ومن ضغط المواد هينجنن كمان
ويجي يوم الامتحان
الي فيه يكرم المرا او يهان
ومن كتر شرب القهوه بقا بهتان
وتركيزه بقا في الضياع
ويقولك بشربها علشان اركز واكون فهمان
فهمان بالقهوه الادمان
وتاثيرها بيبان يوم الامتحان
لما يمسك الورقه ويبهدل الدنيا ويتهان
ويضيع امل اهلو فيه كمان
دا كلو علشان هو شاب تعبان
من ضغط المذاكره والدروس والامتحانات كمان
بروف/محمد الشربيني