أحقر شي أن كل شئ بقي عادي بنسبه للمجتمع أن الست يحصل فيها كده وتسكت لو اتكلمت هتكون هي الغلطانه وهي اللي عملت في نفسها كده إلخ إلخ
في الزمن ده انعدمت كله يكون شايف اللي البنت تتعرض ليه ويقولك أنا مالي يعمل كده مع بنات الناس ويعاكس ويدايق فيها ويجي عند أخته أو أمه هيولع الدنيا ما هو اصلا كما تدين تدان وكأس وداير بكره يتعمل في بنتك أو مراتك وساعتها هي مش هتقدر تتكلم أصلا اللي بيتعمل في بنات الناس مش شئ عادي والبنت عيب تتكلم وتدافع عن نفسها وتقول اصلا هتعمل فضيحه لنفسها ما هو اصل طول ما هنكون خايفين من الناس هيحصل بكره مع اختك وامك بنتك ومراتك وحفدتك أنت لو مكنتش راجل ف موقف زي كده يبقا كلمه راجل اللي في البطاقه دي تتغير ويتكتب مكانها سوسن أحسن ف لو كل الناس فضل تفكرها كده ذنب كل بنت بتتعرض للتحرش سوا جسدي أو لفظي ذنبها في رقبتك وخصوصاً لو بنت يتيمه ومحدش يقول البنت ومش البنت اللي بتلفت الإنتباه لأن في بنات محترمين وولاد ناس وممكن يتعرضوا لمواقف زي كده ولابسهم محتشم لكن في رجاله لو واحده لابسه كفن والله هيعكسوها ويقولها حلو عليك الكفن ف العيب في تفكير كل واحد حقير بيسمح لنفسه أنه يقرب من حاجه مش من حقه.
الكاتبة آيه محمد محسن عبدالمنعم