(الغروب الأخير)
ضاع العمر وفاكره كلامك
لسه بحس فـ إيدي سلامك
لما مشيت وأخدت الفرحه
صرخ القلب بـعلو الصوت
غابت شمسي وحل الليل
غيبتك حبل مقيد خيل
ليه بتسبني فـ عز الضلمه
وليه بتدوق قلبي الموت
لما بتجرح.. قلبي يطبطب
لما بتكره.. قلبي يحب
تعب القلب فـ فترة قربك
بس فـ قربك كان مبسوط
جيت لقلبي فـ هيئة منقذ
مكنتش لاقيه لبعدك منفذ
قولتَ: قفلت القلب عليا
ومش هتسبني لحد الموت
شوفت فـ عينك حب الدنيا
ساعة الحب كأنها ثانيه
بس انطفت الفرحه فـ عيني
وماتت روحي وعمّ سكوت
لسه غيابك بيعذبني
ولما بحس بقربك مني
قلبي يحس بإني بخير
لسه دموعي ما جفت مني
غابت روحي وبعدت عني
زي شمس فـ غروبها الأخير
شيماء_البنا
القسم:
شعر