جولي: سيف احنا لازم نسيب بعض.
سيف: نعم! انتِ عارفه انتِ بتقولي اي.
جولي: ايوا عارفه.
سيف: جولي أنا بحبك.
جولي: وأنا كمان بحبك بس أنتَ...
سيف: أنا اي يا جولي؟!
جولي: سيف بصراحه أنا تعبت، أنتَ كل مره بتبعد وبترجع بمزاجك وأنا بستقبلك بصدر رحب وبقول مش زعلانه وأنتَ مش في بالك أي حاجه.
سيف: بس أنتِ متعرفيش حاجه.
جولي: وأنا كل يوم وكل لحظه بستنى تيجي وتحكيلى مالك بس أنتَ مش بتحكي ولا بتتكلم، والمفروض أنا اللى اتكلم وأقول كل حاجه بتحصل معايا.
سيف: بلا رد
جولي: اى مش بترد لي عشان أنا معايا حق في كل حاجه صح أنا اللى بهتم وبأخد قصاد اهتمامي إهمال أنا اللي بعمل حاجات كتيره عشان مظلمكش ومشيلكش ذنب أنتَ ملكش دخل فيه أنا بفكر وبعدين أقرر أما أنتَ بتقرر وبعدين تفكر.
سيف: أنا أسف بس متسبنيش وأوعدك هعوضك عن كل حاجه فاتت،جولي أرجوكي متسبنيش وفي اللحظه دي سيف عيط.
جولي: خلاص متعيطش أنا مش هسيبك.
بعد مرور فتره
سيف رجع تاني مبيهتمش بجولي وأهملها.
جولي: سيف أنا اديتك فرصة أخيره وأنتَ ضيعتها، والمره دي أنا معتش راجعه.
مش كل مره نعطي أعذار ونسامح وخصوصاً لما تعطي فرصه أخيره وهو ميتمسكش بيها ساعتها اعرف واتأكد إن هو مش عايزك وبيتلكك عشان يسيبك وقتها امشي ومتبصش وراك أبداً.
بقلم: داليا علاء ꧁الإمبراطورة꧂