.
وقفنا لما وعد ادت تعليمات لرومير فى المستشفى وللحراس وبعدين دخلت المكتب الخاص فى المستشفى وقاعدت تنتظر زين ورمير لما يظبط الدور والحراس اللى فيه وبعد نص ساعه وصل زين ورومير شافه
زين لرومير: اى يا رومير فين وعد ولى انتم فى المستشفى؟
رومير: وعد جوا فى المكتب، انما احنا هنا لى انا لحد دلوقتي مش عارف ولا فاهم حاجه.
زين: اكيد هنفهم من وعد بس اللى انا شايفه ان الموضوع كبير لان وعد مشدده الحراسه.
رومير: ايوا فعلا وملامحها وهدوئها وغموضها مش مطمنني
زين: امممم شكلنا داخلين على ايام سوده.
رومير: بظبط كدا
وفى الوقت دا كانت وعد خرجت من المكتب وسمعت كل حاجه وقالت
وعد من وراهم: سوده على دماغكم ان شآء الله، لان انتم جيتوا وواقفتوا تتسمروا يا روح امك انت وهو.
زين ورومير بخضه: لا والله دا احنا كنا بنطمن على بعض، احنا اسفين يا كابتن.
وعد ببرود: ادخلوا ورايا.
رومير وزين: حاضر
ودخلت وعد المكتب وهما دخلوا وراها
زين: فى اى يا وعد شكلك مش مطمنى
وعد: هتعرفوا كل حاجه بس اول حاجه تبعت حراس من شركة الحراسه الخاصه بتاعت للمطار لان جاسر نازل ومش عاوزه يصيبه خدش واحد يا زين ويكون حراس ثقه.
زين: تمام اعتبريه حصل.
رومير: هو دا كله لى يا وعد؟
وعد رجعت رأسها لورا وقالت: الشخص اللى موجود جوا فى العنايه بيكون أختى.
رومير وزين: اى؟ ازاى؟
وعد: كنت خفياها عن الكل ومحدش يعرف السر دا غير جاسر بس خوفا عليها بس لتتقتل زى ابويا وامى واخويا الصغير اللى بعد جاسر معرفش ازاى هما عرفوا وأذوها
زين: مين اللى أذوها يا وعد؟
وعد: جاكسون
رومير: جاكسون ازاى وهيئذيها لى؟
وعد: لان احنا رفضنا الثفقه بتاعته صح؟
رومير: ايوا بس اى دخل دا باختك؟
وعد: انا رفضت الثفقه لان عرفت ان جاكسون هيدخل عن طريقنا ممنوعات ودا طبعا لان البضاعه بتاعتنا مش بتتفتش فى المينا، فلغيت الثفقه وبعدين هو معرفش عرف منين ان انا اختى عايشه وانا خفياها وجالى من رقم مجهول مسدج بتقولى خافى على حد قريب منك وانا هعرفك ازاى تلغى ثفقه معايا فمن هنا عرفت ان دا جاكسون زهو شغال مع المافيا الروسية.
زين: ازاى دا وازاى مقدرناش نعرف ان هو معاهم؟
رومير: لان هو كان تعامله اكيد من بعيد لبعيد وعن طريق شركات مشبوهه
وعد: بظبط يا رومير، فانا لازم أأمن على جاسر وعلى اختى هنا لان اكيد هيئذي جاسر برضو لان عارف ان جاسر دا روحي.
زين: هروح الشركه حالا ابعت للمطار حراس، وانت يا رومير نبه على الحرس هنا ممنوع عنيهم تغفل وانا هابعت ليكم دعم.
وعد: وياريت محدش يعرف ام الدور دا لوعد الحديدى.
رومير وزين: اعتبريه حصل.
وعد: الممرضات اللى تدخل تتفتش قبل ما تدخل من قبل أطباء وياريت تكلم حسن ابن عمنا يجى يشرف على الحاله بنفسه.
رومير: حاضر هكلمه حالا.
وبعد كدا راح كل واحد يشوف هيعمل اى ووعد سرحت مكانها وقالت: هحميكم بروحى والله.
وبعد ساعتين فاقت على صوت فونها.
وعد: ايوا يا مارك فى اى؟
مارك: مستر جاسر وصل المطار يا فندم وكل حاجه جاهزه.
وعد: تمام هسبقكم على الفيلا، خدوا بالكم يا مارك.
مارك: تمام يا فندم.
ياترى هيحصل اى لما جاسر يعرف ان اخته اتئذت وزين هيعمل اى هو ووعد علشان يجيبوا جاكسون ويكشفوه هنعرف كل دا مع بعض
بقلم: داليا علاء ꧁الإمبراطورة꧂