وقفنا لما أحمد نام لاجل ان هو يصحى بدرى يروح الانترفيو، وهمس نامت لاجل انها تصحى تروح الشركه اللى بتشتغل فيها.
عند احمد صحى الساعه الفجر علشان يصلى وكمان همس صحيت علشان تصلى.
أحمد بعد ما اتوضى وصلى وخلص صلاة قاعد مكانه
وقال: يارب اجبر بخاطري، واتقبل فى الوظيفة، واقابل البنت اللى شوفتها تاني واجعلها من نصيبي يارب، وبعدين قاعد يقرأ الورد بتاعه من القرآن وأذكار الصباح.
عند همس خلصت صلاة وقاعدت مكانها
وقالت: يارب ارزقنى بزوج صالح فى صحه وخير وعافيه يارب ويسرلى أمورى واجبر بخاطرى يارب، وقاعدت تقرأ الورد من القرآن والاذكار.
الساعه كانت 9 وهمس قامت علشان تجهز وتفطر وتنزل شغلها، وحصل كذالك عند احمد لاجل ان هو ينزل الانترفيو.
همس نزلت وركبت تاكسي وراحت الشركه وقاعدت، وجت لين صديقتها فى الشغل.
لين: ازيك يا هموسه، عامله اى؟
همس: الحمدلله يا لينو انتى عامله اى؟
لين: كويسه الحمدلله، انهارده مستر جاسم عامل انترفيو لشئون الحسابات.
همس: ايوا وانا اللى هدخل اللى مقدمين للوظيفه دى.
لين: ربنا معاكى يا باشا ومستر جاسم مش يتعصب عليكى.
همس: لا ان شآء الله مش هيتعصب.
لين: ان شآء الله
فى الوقت دا كان احمد وصل ودخل الشركه
وبيسأل يروح فين الانترفيو.
احمد: لو سمحت، ممكن اعرف اروح الانترفيو منين؟
الشخص اللى سأله: روح لمكتب استاذه همس وهى هتوصلك.
احمد: تمام، شكرا.
راح احمد عند المكتب،
وقال لو سمحتى.
همس: رفعت وشها، أفندم؟
احمد اتصدم لان لقاها نفس البنت وابتسم ان ربنا استجاب لدعائه وقابلها تانى وكمان بتشتغل فى نفس الشركه اللى هو هيقدم الانترفيو فيها، همس لحظت سرحانه
وقالت: يا فندم انت معانا هنا؟
احمد ابتسم ابتسامه خفيفه
وقال: ايوا مع حضرتك، انا جاى للانترفيو.
همس: تمام، اقعد بس ربع ساعه لما مستر جاسم يوصل هو على وصول متقلقش، اتشرف باسم حضرتك وCv بتاعك؟
احمد: اسمى احمد اشرف، واتفضلى cv.
همس: تمام، اتفضل هنا لحد ما يوصل.
احمد: تمام.
قاعد احمد، وفضل يدعى ربنا ان هو يتقبل فى الوظيفه دى علشان يبقى معاه، وبعدها بدقايق مستر جاسم وصل ودخل المكتب وهمس دخلت وراه، وخبطت الباب الاول قبل ما تدخل.
مستر جاسم: اتفضلى يا همس.
همس: يزيدك فضلك يا فندم.
مستر جاسم: يارب واياكى، ها الانترفيو حد قدم؟
همس: ايوا يا فندم فيه واحد قدم وcv اهو ومستنى برا.
جاسم: تمام دخليه بعد خمس دقايق.
همس: تمام، اى اوامر تانيه؟
جاسم: الامر لله وحده.
وخرجت همس وراحت لاحمد،
وقالت: جهز نفسك خمس دقايق وتدخل لمستر جاسم.
احمد: تمام، دعواتك لو سمحتى.
همس: ان شآء الله تتقبل، وكل امورك لربنا.
احمد: ونعمه بالله، يارب.
نكمل الفصل الجاى من الاسكريبت ونشوف هيحصل اى؟
بقلم: داليا علاء꧁الإمبراطورة꧂