(بنا معاد)
قلوب عاشقة مابينها بلاد
قلوب تايهة بدون عنوان
قلوب دابت فراق وبعاد
قلوب أقوى ما في الإمكان
هتتقابل قلوبنا ف يوم
مهما البعد بينها يزيد
أكيد البعد مش هيدوم
هنتقابل بدون مواعيد
يجوز الصدفة تجمعنا
ف بيت م الحب هيسيعنا
يجوز القرب يحيينا
ويخفف كل أوجاعنا
ياريت القلب كان له جناح
يحاوطك بيه
ياريت لو حضن يجمعنا
وأموت بعديه
ياريت لو عندي شئ منك يكون ذكرى
ووقت ما تيجي على بالي أشوفك فيه
قلوبنا من البعاد داقت وشبعت خوف
وعدتك إني هبقا لك وبكره تشوف
أكيد البعد هيقوي ف قلوبنا كمان
هنصبر مهما هنقابل ومهما نشوف
وعدنا وبالوعود طبعا هنتجمع
هنكسر حاجز المسافات ب أمنية
بحبك واللي مش سامع ياريت يسمع
أنا لحبيبي وحبيبي أكيد ليا
بحبك مهما كان بنا بلاد وبلاد
لأخر عمري هستنى دا بنا معاد
_شيماء_البنا
القسم:
شعر