الفصل الثانى من: اسكريبت صديقه مزيفه.
بعد ما نسرين ونوران مشيوا.
نسرين على الواتس لنوران: ها يا نوران تعالى ننام ساعه كدا ولا اتنين وبعدين نقوم نكتب المحاضرات بتاعت انهارده.
نوران: اشطا لما تصحى ابقى صحينى
نسرين: ماشي يا حب يلا نقفل وننام.
وقفلوا هما الاتنين وناموا وبعد ساعتين نسرين صحيت ورنت على نوران.
نوران بنوم: الو
نسرين: قومي يلا علشان نصلى ونبدأ نكتب محاضراتنا.
نوران: محاضرات مين
نسرين: نورااااان فوقي معااااياااااا كدا وقووووومى
نوران: حاضر اى بقره بتجعر
نسرين: بت قومى بت بدل ما اجيبك من شعرك
نوران: خلاص بلاعه واتفتحت.
نسرين: ناويه تقومى ولا اى النظام؟
نوران: خلاص خلاص هقوم.
نسرين: ايوا يلا زى الشاطره
نوران: طول عمري.
نسرين: يلااااا يا بنت الجزمه.
نوران: الاه عيب.
نسرين: امممم واى كمان
نوران: ولا اى حاجه سلام عليكم انا قايمه اصلى واشوف اللى ورايا.
نسرين بضحك: عليكم السلام ورحمة الله وبركاته.
وقفلوا هما الاتنين وقاموا يصلوا وبعدين راحوا يكتبوا المحاضرات وبعدها بساعتين.
نوران فى شات نسرين: نسرين خلصتى؟
نسرين: ايوا خلصت لسه حالا
نوران: ابو كدا يا شيخه ضهرى اتقطم من اول يوم اتفو على دى دكاتره..
نسرين: اه والله بقولك اى يلا نقوم ناكل لان انا جعانه.
نوران: اه والله يا بت وانا كمان جعانه يلا بينا
وقفلوا هما الاتنين وكل واحده عملت الاكل واكلوا وبعدين قاموا يوضبوا الشقه وبعدها بحوالى اربع ساعات.
نسرين: نوران اتخمدتى؟
نوران: لا لسه باااختى لسه مخلصه الشقه وبعدين هاخد دش وبعدين انام.
نسرين: وانا كمان طب يلا قومى علشان نقدر نقوم الصبح.
نوران: يلا.
وبعد نص ساعه كل واحده بعتت لتانيه انها هتنام وتصبحي على خير وناموا هما الاتنين وبعدين لما جه الصبح نسرين صحيت ورنت على نوران.
نوران: الو
نسرين: يلا قومى علشان مش تتاخرى على المحاضره.
نوران: حاضر
وقاموا هما الاتنين يلبسوا ويروحوا على الجامعه ولما وصلوا
نوران بضحك: اوووه نسرين اى الحلاوة دى يا صديقي
نسرين: لا بقا حضن بقا يا قلب صديقك لان بتكثف
نوران: تعالى با جلبي
نسرين: طب يلا بلاش محن يلا ندخل المحاضره
ودخلوا هما الاتنين المحاضره
نوران وهى بتكتب على ورقه لنسرين
نوران: الدكتور دا رخم اوى
نسرين: رخم وغتت كمان
نوران: اه والله
نسرين: كلها ربع ساعه ونخرج.
نوران: على رأيك
وخلصوا هما الاتنين المحاضره وبعدين خرجوا
نسرين: كانت محاضرة واحده انهارده بس رخمه
نوران: اه والله يلا بقا علشان نروح وبعدين ننام وبعدين نقوم نشوف المحاضره ونذاكر
نسرين: ايوا يلا.
وودعوا بعض كالعاده وكل واحده راحت على بيتها.
هنعرف اى هيحصل الفصل الجاى ويا ترى هيفضلوا كدا ولا فى حاجه هتغيرهم.
بقلم: داليا علاء ꧁الإمبراطورة꧂