(ملهمش أمان)
كل البشر خاينين كل القلوب كرهاك
عايشين ومش حاسين
باللي حصل جواك
شايفينك المبسوط
من ضحكتين تضليل
لو كنت يوم بتموت
هيقولوا ده تمثيل
لما الحبيب باعك
إشتريته بأغلى تمن
لو حضنه كان ساعك
هيكون نهاية الزمن
واللي أنت قولت أمان
وشكيت له أوعاجك
لما زهق أهو خان
وبيلوي ف دراعك
بيرميك بالسهام خلفك
وقدامك كأنه ملاك
بيكره لو يشوف فرحك
ويفرح لو يشوف مأساك
دا قلبك م الوجع سهران
محدش ليلة كان جنبه
سابوك ف الوحدة دي تعبان
وتعبك كان (حبيب) سببه
سهام الغدر بتصيبك
وسهم الحب كان أحوَل
شكيت م الوحدة لحبيبك
ووجع الوحدة كان أفضل
ولما قولت آه وبكيت
شوفت الذل م الشكوى
ياريتك كنت يوم ما حكيت
ياريتك كنت يوم... أقوى
_شيماء_البنا
القسم:
شعر