اسكريبت: عودة إلى الله.
كان قاسم شخص يفعل المعاصى، ولا يدري أن هذا سوف يأخذه إلى طريق النهاية البشعة الذي لا يعلمه سوى شخصًا مر بهذا من قبل، وكل هذا بسبب صديقه عااصي.
عاصي: اى رأيك يا صحبي نسيب المحاضرة ونروح نشرب سجارتين.
قاسم: لا يا عم انا هحضر المحاضرة
وبعدين قاسم ساب عاصي ومشي
عاصي: دا شخص غبي، بس هأجيبه برضو
وبعد كدا دخل عاصي المحاضرة مع قاسم وبعد المحاضره ما خلصت،
قاسم قال: انا دماغى مصدعه اوى.
عاصى: انا هجبلك حباية تاخدها هتبقى زى الفل.
قاسم: حباية اى دى؟
عاصى: يا عم خد وخلاص انا يعنى هضرك، دا حباية مسكن.
قاسم: طب تمام هات.
واخد قاسم الحباية، وهو مكنش يعرف ان دى حباية من ضمن حبوب المخدرات، وبعد نص ساعه.
عاصى: اى ارتحت دلوقتي؟
قاسم: اه الحمدلله بقيت احسن.
عاصى: الحمدلله
وعدت الايام، وكل قاسم ما يتعب، عاصي يديله الحباية دى لحد ما قاسم اتحول لمدمن، وبقا هو اللى بيطلبها من عاصي.
قاسم: انا مش فاهم انا مبقتش بستغنى عن الحباية دى لى، وانت مش بتقول دى اى؟
عاصي: دى حباية من ضمن حبوب المخدرات يا قاسم.
قاسم بصدمه: يعنى انت خلتنى مدمن؟
عاصي: اه.
قاسم: طب لو سمحت هاتلى الحباية بقا.
عاصي: محتاج 200ج علشان تاخدها.
قاسم: بس انا مش معايا فلوس غير فلوس الجامعه.
عاصي: يعنى هى الجامعه هتعملك اى يعنى؟!
قاسم اقتنع بكلام عاصي، وبعدها اداله الفلوس واخد الحباية، وبكدا قاسم دخل فى طريق المخدرات اللى هيعانى فيه، بعد شهور من ادمان قاسم، مبقاش معاه فلوس وبتالى مبقاش ياخد البرشام وكمان مستواه اتأثر فى الجامعه جدا ومبقاش بيحضر الجامعه، بس جه يوم قاسم مكنش متوقع ان هو يحصل، وهو ماشي فى طريق مش عارف فين فجأة حس بدوخه جامده فى رأسه والدنيا كلها اسودت قدامه ووقع فى الارض، فى الوقت دا كان فيه واحد معدى بعربيته شافه واقع وهو راجل اكبر من قاسم فى السن بس عنده كتله عضليه وهو دكتور، اشتال قاسم واخده معاه المستشفى بتاعه وكشف على قاسم واشرف على حالته بنفسه ولما كشف عليه وعملوا التحاليل اللازمه اكتشف ان قاسم مدمن.
قاسم وهو بيفوق: اه انا فين؟
الدكتور كريم: انت فى المستشفى
قاسم: مستشفى لى؟ هو اى اللى حصل؟
كريم: انت وقعت فى الشارع وانا كنت معدى واخدتك وجبت المستشفى واكتشفت انك مدمن، ولازم تتعالج، ممكن اعرف اسمك اى؟
قاسم: انا اسمى قاسم.
كريم: طب تعالى نتكلم شويه مع بعض علشان اقدر اساعدك.
قاسم: تمام.
كريم: وصلت لكدا ازاى؟
قاسم: بسبب صحبي وحكى قاسم لكريم كل حاجه.
كريم: طيب انا هاخدك بيتى وهساعدك انك تتعافى وتتبقى كويس.
قاسم: بس
كريم: مفيش بس انا كدا كدا عايش لوحدي.
قاسم: مش عارفه اقولك اى يا دكتور.
كريم: دكتور اى بقا قولى يا كريم بس احنا بقينا صحاب.
وبعد كدا بدأ كريم مع قاسم العلاج، ورجع قاسم لطبيعته ورجع لربنا وصلى صلاة توبه لربنا وبقى مبسوط جدا ان هو اتعافى.
قاسم: انا مش مصدق انى اتعافيت الحمدلله يارب الفضل لربنا ثم ليك يا كريم.
كريم: الحمدلله مبروك يا صحبي.
قاسم: انت فعلا ونعم الاخ والصاحب والله.
وبكدا نفهم من الاسكريبت اننا نختار صحابنا ويكونوا كويسين.
بقلم: داليا علاء ꧁الإمبراطورة꧂