وقفنا المره اللى فاتت لما تارا حركت ايدها، ووعد وجاسر ورومير.
عند وعد وجاسر ورومير وصلوا الفيلا ونزلوا وهما عندهم أمل فى بكرا وان تارا كدا هتفوق.
رومير: طيب يا جماعه انا هروح انا بقا انام، عاوزين حاجه؟
وعد: مين دا اللى هيروح انت هتنام معانا انهارده.
رومير: هنام مع مين معلش؟
جاسر: هتنام معانا، ووعد تصحيك الساعه 6 تجرى اى جديده عليك؟
رومير: 6 مين يا ابو سته انت وهى لااااااا انا عاوز ارتاح يا عالم حراااااام عليكم وانت اختك واحده مفتريه وقادره.
وعد بصتله بصه تخوف وقالت: بتقول حاجه يا رومير يا حبيبي؟
رومير: بقول انى هنام معاكم يا وعد باشا
وعد: اها فكرت
جاسر بضحك: جبت ورا يعنى.
رومير ضربه فى ايده وقال: بس يا عم اختك هتقتلنى وانا مش ناقص
وعد: امشوا وانتم ساكتين بقا
جاسر ورومير: تؤمرى يا انسه وعد
ودخلوا هما التلاته الفيلا، وبعدين جت الداده ليزا.
ليزا: احضر الاكل يا وعد؟
وعد: ايوا حضريه يا ليزا معلش لحد ما اخد دش وننزل.
ليزا: تمام يا وعد
وعد: اطلعوا خدوا دش وانزلوا علشان ناكل
رومير وجاسر: حاضر.
وطلعوا هما التلاته اخدوا الدش ونزلوا، وعد كانت لابسه فستان بيتي جميل وجاسر ورومير لبسوا لبس بيتى عباره عن ترينج، وبعدين قاعدوا على السفره لحد ليزا ما تجيب الاكل.
وعد بصتلهم وقالت: اى شكلكم مهيبر كدا لى؟ يا عينى على الرجاله.
جاسر ورومير بصولها بقرف، وبعدين رومير طلع مسدس مايه كان مخبيه تحت السفره وبص لجاسر، وقام مره واحده راشش المايه علىى وعد،
وعد بصريخ: اه با ابن الجزمه والله ما انا سيباك يا ابن الكلب.
رومير: على فكره بقااا الكلب والحزمه دول يبقى عنك ومرات عمك يا آنسه يا محترمه.
وعد: والله ما هسيبك يا رومير الكلب ولاااااه انا هحولك لانثي القرد.
رومير بردح: انثي اى ياااااختى لااااا دا انا راجل اوى اوى واعجبك كمان، بصى جوزينى وانتى تعرفي انى راجل اوى.
وعد وقفت بصدمه وقامت خالعه الشبشب: اه يا ابن الكلب يا سافل يا اللى ما شوفت تربيه ولااااه انا هربيك من اول وجديد.
وكل دا وجاسر قاعد ميت على نفسه من الضحك لدرجة ان بطنه وجعته، وبعدين فون وعد رن ووقفت تشوف مين لقيته زين، شاورت ليهم بمعنى يسكتوا
وعد: ايوا يا زين؟
زين: جاكسون نزل مصر يا وعد
وعد بصت لرومير وجاسر: تمام يا زين عاوزه مراقبه ليه ميغبش عن عنيكم.
زين: تمام متقلقيش.
وعد: تمام.
وبعدين قفلت.
جاسر ورومير فى صوت واحد: فى اى.
وعد بصتلهم باستغراب وقالت: هتتشلوا لو استنيتوا وانا كنت هتكلم
رومير: اه هنتشل
جاسر: اخرس يلا، قولى يا وعد.
وعد: جاكسون نزل مصر وانا حطاه تحت المراقبه.
جاسر ورومير: وبكدا انتقامنا هيبدأ.
وعد: دا شيء اكيد.
ياترى هيحصل اى فى انتقامهم وتارا هتفوق ولا لا؟ هنعرف كل دا الفصل الجاى
بقلم: داليا علاء꧁الإمبراطورة꧂