معناه انك مشيت طريق طويييل ومتعب أوي وبعدها قابلك عائق كبيييير خالص
مش هقولك صغير علشان عوائق حياتنا مبتبقاش صغيرة
بس كان عائق بينك وبين وصولك هو الحاجز وكان فاضلك ربع المسافة اللى انت قطعتها
انك تقف بقا عند العائق ده وتعيط ده مش هيحللك المشكلة بالعكس هتبقي زيادة على همك همين أنك هــ تكتئب
تجاوزك للعائق ده مبني على قدرة سيطرتك على نفسك
البعض ممكن ينهار لمجرد تخيله إن مجهوده اللى فات هيضيع
والبعض هيبص وراه ويقول أنا قطعت ده كله جات على دى
والبعض هينام جنب العائق ويقولك كفاية اللى أنا أنجزته
خدها تحدي بينك وبين العائق
شوف مين اللى هيغلب
مش طبيعي إن العائق يوقفك بعد ما حرفيا قضيت وقت وبذلت مجهود وتعبت واجتهدت
ماشي يعم معاك ان بعض العوائق بتضيع المستقبل بس زى ما قولت إن الموضوع بيعتمد على عزيمة الإنسان وشخصيته
وأكبر داعم للإنسان هو نفسه
أكبر داعم ليك هو نفسك
رفيدة رضا صقر