الفون بقا اليومين دول ادمان
وفى غيابه يحصل مصيبه
زى الكيف او الدخان
لو غاب عننا لو لحظه
ممكن نعمل جريمه
بنصحى فى ساعه الصبحيه
وفى أيدينا التليفونات
ونبحث عن حاجات مؤذيه
ونفضل لساعات
ونازال على وضع ثبات
حتى لو نزلنا فى خروجات
كل واحد فينا لواحده
وكله باصص فى فونه
و انا الفون فى ايدى وسماعاتى
اخد جنب مع نفسى
ويفضل مرافقنى سكاتى
عايش ولكنى مش عايش
ملامحى كلها بايشه
وعقلى كمان صار بايش
ينادوا عليا فأكون ميت
بس صوابعى لسه عايشه
اسهر ليلى اكتب لصحابى
او اكتب حتى لحبيبتى
حتى لو مكنتش فاضى
افضى الوقت من وقتى
اقول لصحبى ازيك
تعالى بينا نخرج
يالى مفيش صاحب زيك
انا بترول وبهرج
اوعى تصدق
فينجرح عادى
اقوله خلاص بلاش تزعل
وعديها المره دى
واسهر اكلم فى حبيبتى
وافضل القيلها فى شعر
دانا بعد حبك انا قولت توبه
واعتزلت حب كل البنات
يومين فالقيها بعدت عنى
ولغيرى بقت مخطوبه
وقالت النصيب وحده المسؤل
فأرجع واغير كلامى واقول
ده بعد عشم كبير وحب ووعود
لقيتك فى لحظه لغيرى مخطوبه
ومتفضلش منك غير الشات
كنت سهران
تملى ابعت فى رسايل
وردك عباره عن بس سكات
كان زنبى اى
أن قلبى فى حبك مات
ونفضل نكرر السيناريو
ونعيد من تانى نفس الحوار
والفايده الى مابنطلع بيها
ان الفون سبب دمار
گ: محمد هيثم «عازف الليل»
القسم:
شعر