سهران بالليل لوحدى
قاعد عمال افكر
الساعه عدت 6
والناس صحيت بتفطر
وانا نومى لسه مجاااش
يوماتى للصبح بسهر
طب والنوم هيجى امتى
وارتاح من الى انا فيه
النوم هيجى امتى
واهرب من واقعى ليه
استنى انه يجى
وبردو لسه مجاش
النوم هيجى امتى
يمكن حل مؤقت
يمكن جرحى زايد
اكتم فى قلبى واسكت
جراحى زى البنوك
عمال تزيد فوايد
افكارك ياواد هلكوك
وكل جرح فات عايد
جراحك سهامه رابحه
عماله تجيب فوايد
اعدائك فى طريقك كترو
وحبايبك لخيرك نكرو
وان غاب محدش افتكروا
وانا قلبى مكسر وهايش
هحب مين من بعدك
صرفت عمرى ليكى
ازاى هعيش فى بُعدك
وانا دوبت فى حبك وبايش
عدت سنين حياتى
عدت كل الامانى
حلمت اكون معاكى
والفرح اكونله جانى
استنيت كتير يجى
ولسه بردو مجاش
ياريت سبت لسانى
لما اترمى السؤال
سهران ياواد لوحدك
وحزين ومكسور تملى
مالك نا جنبك
قولى فضفض واحكى
انا قلبى صحيح واجعنى
بس رديت وقولت تمام
ده بس من الحر يمكن
مش عارف انى انام
حاسس بوجع كاسرنى
حاسس بدمار جوايا
لا لقيت حد يسندنى
ولا حتى يكون معايا
انا كنت قوى وصابر
وراضى بكل حال
كنت حقير وسافل
لما قلبى ليكى مال
افتكرت انك هتكونى ليا كيان
هبنى معاكى اسره ويكون لينا عيال
وفاكر كنا زمان بنحكى كتير قصص
وقولنا منا الناس هتتعلم
وفى الحب هتاخد حصص
لكن ده كان زمان
لكن ده كان زمان
ياريت الى جرا ماكان
سبتينى ضعيف لوحدى
سبتينى لوحدى اعافر
فى الصخر عمال ابنى
وتهديه انتى بلوادر
وانا كنت بردوا صابر
اقول يمكن تتغير
اقول يمكن تحس
دفنتنى تحت المحاجر
وانا بردوا كنت صابر
بقول يمكن تتغير
انا لسه واثق فيها
اديتك الف فرصه
رميت قلبى ليكى
كنت غبى ساعتها
لما وثقت فيكى
بعت نفسى ليكى
واشتريتك بأغلى مافيا
انا قلبى كان شاريكى
قلبك كان حجر
عمال يهد فيا
عارفه كما تدين تدان
وزى ماعملتى فيا
هيتعمل بكره فيكى
بس بقول
يارب خلاص سامحها
والكسره ان جت ليها
فايارب هاتها ليا
عمال اشكر فيها
وتجيب العيب فيا
ازرع وردى فى طريقها
فاترد بالاذيه
انا قلبى كان ليكى
ولا عمره كان ليا
ياريت تحسى بيا
وتحسى انى مش عارف انام
انام اصحى على كابوس
انك سبتينى فى الاحلام
وكابوسى يطلع حقيقه
واطلع من الواقع متساب
بحاول بميت طريقه
اقفل قلبى ليكى
واسيبك زى ماسبتى
بس اكون كداب
لو قلت انى عرفت
انسا
مشكلتى انى صدقتك
واقتكرتك انك عشيقتى
وذنب انى صدقتك
بقيت بسهر لوحدى
قاعد عمال افكر
الساعه اهى عدت سته
والناس صحيت بتفطر
وانا نومى لسه مجاش
كدبت لما قولت نسيتها
وانا والله مانستهاش
ڪ: محمد هيثم «عازف الليل»