الفصل الثاني من اسكريبت: خيانة حبيب.
وقفنا المره اللى فاتت لما حازم وتلا اعترفوا بحبهم لبعض وبعد كدا كل واحد راح على بيته.
فى اليوم التاني فى الشركه عدى على تلا واخدها وراح على الشركه، وصلوا الشركه وكل واحد راح على مكتبه، وكانوا مبسوطين والفرحه باينه على وشهم، تلا وحازم بداوا يشوفوا شغلهم ومستر أيمن وصل.
مستر أيمن: تلا تعاليلى على المكتب انتى وحازم.
تلا: حاضر يا فندم.
تلا راحت لحازم المكتب،
وقالتله: اسبقنى على مكتب مستر ايمن لان عاوزنا احنا الاتنين وانا هعمل القهوه ليه وهأجى.
حازم: ماشي حاضر حالا هروح ليه.
تلا: تمام.
تلا راحت عملت القهوه واخدتها وراحت المكتب لمستر ايمن وحازم وخبطت ومستر ايمن اذن ليها بالدخول.
تلا: صباح الخير يا مستر ايمن.
مستر ايمن: صباح النور يا بنتى، اخيرا قهوتى المفضلة من ايديكى جاتلى.
تلا بضحكه: طبعا صباحك مش بيبدأ غير بيها.
مستر ايمن: اكيد دا انا مرأتى مش بتعملها كدا.
تلا وحازم ضحكوا،
وقال حازم: كدا بقا احنا نقول للمدام ونشوف رأيها اى؟
مستر ايمن: كدا انت بتخرب بيتى وانا اخرب بقا شغلك.
وضحكوا هما التلاته، وبعدين مستر ايمن،
قال: دلوقتي فيه اجتماع لكل اللى فى الشركه بمناسبة ان السنه قربت تخلص، وكمان انتم ليكم الاولويه لانكم مظبطين الشغل فى الفترة اللى انا غيبت فيها.
حازم: يا فندم احنا كنا بنعمل شغلنا، وكمان تلا قامت بالواجب الصراحه كنت بنام وهى بتصحينى بميه والله وتعملى قهوه.
تلا: حصل يا فندم، وبعدين محدش قالك تنام واحنا عندنا شغل، صح يا مستر ايمن ولا اى؟
مستر ايمن: طبعا صح انتى مش بتقولى حاجه غلط.
تلا بطريقه كوميديه خلت حازم ومستر أيمن ضحكوا عليها : شكرا شكرا.
مستر ايمن: طب يلا روحوا ادوا خبر للمواظفين والاجتماع هيكون الساعه12 ان شآء الله.
تلا وحازم: فورا، ان شآء الله.
وراحوا هما الاتنين وقالوا للموظفين، والاجتماع خلص على خير وبعد كدا كل واحد راوح بيته، وحازم وتلا خرجوا الاول وقضوا يوم حلو جدا وبعدين راوح كل واحد فيهم بيته.
عدت تلت شهور على علاقة حازم وتلا، وتلا بدأت تلاحظ اهمال حازم بيها وان هو معظم الوقت بيتهرب، فكانت عاوزه تعرف السبب خصوصا ان هى متعرفش هى عملت اى، والمفاجأة ان تلا كانت راحه تقابل واحده صاحبتها فى كافيه وقاعدت تستنى صاحبتها واتفاجئت بدخول حازم الكافيه.
تلا: حازم جاي يعمل اى هنا وهو قال ان هو هيروح ، انا هافضل قاعده مستنيه اشوف.
وبعد خمس دقايق من مراقبة تلا لحازم، لاقت تلا واحده داخله وراحت ناحية حازم وحضنته وباسته.
تلا بصدمه: حازم بيخونى
وبعدها قربت منهم وحازم مش شايفها وسمعت البنت،
وهى بتقوله: عملت اى فى تلا؟
حازم: قولتلها مروح البيت وهى صدقت كالعاده زى العبيطه.
تلا من وراه: طبعا عبيطه لان حبيت واحد خاين وخسيس زيك.
حازم لف وشه بصدمه: تلا، تلا افهمينى.
تلا: افهم اى انت طلعت خاين وربنا كشفك قدامى، ما هو لازم تروح لرخيص اللى شبهك يا رخيص.
حازم: يا تلا اسمعينى
تلا: اسمع اى؟ دا انت خساره فيك حبي وثقتى فيك ياااا خاين.
وبعدها خرجت تلا من الكافيه وحازم قاعد مكانه مش عارف يعمل اى، وبعدها بسنه من اختفاء تلا، اتقابلوا صدفه فى مهرجان الديكور.
حازم: تلا.
تلا لفت وشها ليه وكانت جميله زى ما هى بل زادت جمال كمان: افندم.
حازم: وحشتينى.
تلا: اسفه يا فندم المكان دا معمول للمهرجان اللى شركتى عملته واللى انا بكون مديرتها فياريت تحضر المهرجان وانت بعيد عنى بدل ما اقول للامن يطردوك برا، بالاذن.
ومشيت تلا وحازم واقف مصدوم وعرف ان هو كدا خسر تلا للابد.
وبكدا نكون خلصنا حكايتنا بتمنى تنال اعجابكم وياريت تعملوا زى تلا وتنجحوا ومش تدخلوا فى اكتئاب.
بقلم: داليا علاء꧁الإمبراطورة꧂