الصاحب الى بجد

 الصاحب الى بجد



فى واحد يقعد معاك على الرصيف 

و لا يهمه الناس أزاى باصينْ

تحكى له كل حاجة من غير تفكير

من غير ما تفكر هيقول لمين

طب هيشوفني أزاى

طب هيقول ايه بعدين 

بالعكس شايفك مرايه ليه 

شايف نص الدايره إلى وراك 

شايف فيك حاجات أنت مش واخد بالك منها 

حاجات كتير تايهة عنك 

شخص الجدعنه فيه مش صفه دى أسمه التانى 

شخص يطلع بيك السلم 

مش ياخدك لتحت الأرض 

مافيش بينكوا كلمة غيرة 

طب و يعني ايه حقد 

نجاحه من نجاحك 

حتى لو أتأخر عليه 

أكيد هايجى بعدك 

أصل ده من القدر 

مش حاجة من عندك 

أصله مش فى سباق معاك

هدفه كان غير هدفك من البداية

بس نجاحك كان من أهتمامتهْ

حلمه كان يشوفك سعيد و محقق أحلامك 

نفس حلمك تمام 

علاقتكوا عبارة عن تشجيع مش كسرة مقاديفْ

وسم وسط العسل 

و ياريتني مكانك 

طب هيقولها كدا أزاى

هو كان عارف كل حياتك 

ده هو كان شاهد على كل وقعَاتك

تخليك إلى للمشهد ده نزل دموعك طب أزاى هيعمله 

مافيش كلام جارح 

فيه كلام موزون علشان يصلح فيك المكسور 

تبنوا السلم جديد

غير إلى وقع 

تحكيله أنك مش جميل و أن فيك عيوب كتير 

يقولك ياريتك تشوف انا شايفك أزاى

كنت قدرت جمالك إلى أنت أتعودت عليه

سوا هنحولها لى مميزات 

نتبها بيها وسط الخلق و الناس 

شخص مش مبالغ مش متصنع و مجامل

شخص طبعته طاغيه

وروحه صافيه 

شخص فيه منك كتير 

وان كانت شخصيتكوا غير بعض 

أكيد فيكوا من بعض

أكيد من أول يوم عداك 

و عديته

بالجمال إلى فيه 

بطريقته العجيبة 

إلى فيها كيكة و كيوت

و يسطا و يا زميلي

أيه إلى جاب الشمال للجنوب 

و أجمل شئ

يكون صديق صالح 

ينسيك ماضيك الطالح 

يكون شلتك الصغيرة

يعوضك عن شلتك الضايعه

يمسك يديك باديه 

يقولك أوعى تنسانى

يوم القيامة هدور عليك 

لازم فى ظل إلى خلقنا نكون سوا 

لازم أعدى الصراط بيك 

الجنة مش هتبقى جنه غير معاك 

ولا هتهني بشى غير لما تشركني فيه . شهد عطا 🌸

إسلام إيهاب

أكتُب ما لا أبوح بِه؛ لطالما كان قَلمي خير جَليس. _ إسلام إيهاب

إرسال تعليق

أحدث أقدم