وقفنا المره اللى فاتت لما زين كلم وعد وقالها ان جاكسون نزل مصر، وكدا وعد هتبدأ انتقامها هى واخواتها.
وبعد ما وعد قالت لرومير وجاسر
وعد: يلا علشان ننام يا شباب.
جاسر ورومير: يلا يا وعدى، تصبحي على خير يا وعدى
وعد: وانتم من اهل الخير يا حبايبي
رومير وجاسر: يارب.
وبعد كدا راحوا هما التلاته ناموا، والساعه كانت 6 الصبح وفون وعد رن.
وعد: الو.
الدكتور: وعد هانم، تارا فاقت.
وعد قامت اتنفضت من مكانها وقالت
وعد: انت بتقول اى اللى بتقوله دا بجد
دكتور: اكيد مش ههزر فى حاجه زى دى يا وعدى يلا قومى فوقي وتعالى
وعد بفرحه: مسافة الطريق.
وعد قامت جرى وهى بتصرخ باسم رومير وجاسر
وعد: جااااااااسر رووووومييييييرررر
وراحت وعد على باب اوضة جاسر وفتحته مره واحده وهى بتقول: جااااااسر
جاسر بفزع: اى فى اى مين ماااات
وعد: فووووق كدا يا اخ
جاسر: اى يا وعد انتى كويسه
وعد: انا تمام تارا فااااقت
جاسر: طب تمام
وعد: جاسر
جاسر بصدمه: اى مين انتى قولتى اى بتهزرى تارا فاااقت بجد
وعد: اه والله بجد، يلا بينا نصحى رومير
وراحوا هما الاتنين بأعلى صوت عندهم،
وقالوا وهما بيفتحوا باب الاوضه: رووووميييير
رومير بفزع: اى فى اى مين اللى مات
جاسر رزعه بونيه وقاله: فووووق كدا معانا
رومير بوجع: اه يا ابن الكلب بوقي.
جاسر: اشتم براحتك هعديلك انهارده بذات
وعد بفرحه: رومير سيبك من جاسر، تارا فاااقت
رومير بصدمه: اىى تارا مين انتى بتهزرى صح؟
جاسر: لا والله مش بنهزر تارا بجد فاقت
رومير: طب يلا يلا بسرعه نلبس ونروح ليها بسرعه.
وعد وجاسر: ايوا يلا لازم نبقى جنتل اوى
رومير: يلااااا
وراحوا هما التلاته يلبسوا وبعدين كل واحد فيهم نزل وعد كانت لابسه بنطلون جينز وتوب اسود، ورومير كان لابس بنطلون جينز وتوب ابيض وجاسر لابس بنطلون بدله اسود وقميص نفس اللون.
وعد: اى الحلويات دى كدا هتتشقطوا
رومير: طبعا لازم كدا رايحين نشوف حبيبتنا بعد غيااب
جاسر بفرحه: ياااه اخيرا يا رب الحمدلله
وعد: يلا علشان نروحلها ومنتأخرش عليها.
جاسر ورومير: يلا يا وعدى
وركبوا هما التلاته العربيه وراحوا على المستشفى، وصلوا بعد نص ساعه المستشفى والدكتور كان مستنى، وطبعا كل المستشفى حراسه مشدده منعا لاى حاجه ممكن تحصل.
الدكتور: حمدالله على السلامة يا وعد
وعد: الله يسلمك، هى فين؟
الدكتور: فى الدور الرابع فى اوضه عاديه، وفى انتظاركم
وعد وجاسر ورومير: تمام، يلا بينا.
وطلعوا هما التلاته ومعاهم الدكتور، واول ما وصلوا عند الاوضه ووعد فتحت الباب
تارا: وعد.
وعد وفى عيونها الدموع: تارا، وطلعت تجرى على تارا واخدتها فى حضنها وفضلوا يعيطوا
جاسر: ما خلاص بقا انتم هتقلبوها نكد وسعى كدا يا بت خلينى اشوف اختى
رومير: يعنى انت هتشوف لوحدك انا عاوز اشوفها برضو
وحضنوا تارا هما الاتنين وبقوا مبسوطين انها فاقت وبقت معاهم.
جاسر: هيحصل اى يا وعد بعد كدا؟
وعد: هنخفي تارا الاول وبعدين هقولكم نعمل اى؟
يا ترى هيحصل اى بعد كدا ووعد ناويه على اى، هنعرف كل دا الفصل الجاى.
بقلم: داليا علاء ꧁الإمبراطورة꧂