(أرض بور)

قلبي اللي عيّط بالدموع 

على دَمعَة نزلت من عيونهم 

باعوا دَمعُه بسعر بَخس

لأجل بس يجيب تمنهم

وأما قولت أستغنى قلبي

هعيش حياتي خلاص بدونهم  

قالوا عني كلام يبكّي 

وشوفت غل وغدر منهم

مدّ جِدر الحزن فيا

وصاب وريدي ألف علة

كنت محتاج اهتمام 

بس طلب الحاجة ذلة 

روحي كانت قبل سابق 

زي بستان من خضارها 

صابها حزن ولما فاقت

راح جمالها وراح شجرها 

روحي صبحت أرض بور

مش هتنفع زرع تاني 

ربنا يعوض عليا 

بقلب قاسي يعيش عشاني

_شيماء_البنا