يا ساكنة الروح وذكراكي مبتتنسيش
يا كل الدنيا من غيرك مبقتش أعيش
يا ماضي ما بعده مستقبل ولا حاضر
يا وردة ريحتها سكناني مبتسبنيش
يا ذكرى جميله ف أفكاري بتحييها
يا دنيا كاملة متكاملة بمعانيها
يا جرح سنين بيوجعني ومبيخفش
يا تعويرة بحاول اني أغطيها
تركتي القلب يتألم
وروحك ساكنه وجداني
خطاكي ف عقلي بتعلم
أثار الخطوة أحياني
حياتي معاكي كانت جنه
غيابك عني دا هلاكي
وغيرك عمري ما أتمنى
يا كل الدنيا يا ملاكي
تركتي الروح بتتوجع
ووحده القرب يشفيني
غيابك عني مش مقنع
مفيش أسباب هترضيني
يا وجع القلب م الأحباب
يا كسرة ضهري بعد غياب
من وقت ما غبتي عن عيني
ما زلت فاتحلك الأبواب
ما زلت بنادي على اسمك
وبوصف للنجوم رسمك
وبحكي للقمر وجعي
ووجعي هيختفي بلمسك
وحشتي الروح يا وحشاني
يا كل حياتي وأماني
وحشني الضحك وياكي
يا ضحكة بتشفى أحزاني
تركتي الدنيا ورحلتي
رحيلك كان سبب صمتي
بقيت أتمنى إني أموت
وأحسك جنبي، حضناني
_شيماء_البنا