كلمة قالها قلبي ولساني في نفس الأوان ٠كلمة تطلعت من قلب مجروح قرر يبوح بكل الجروح ، وقرر يحقق لنفسه رمانة الميزان ٠وعلشان تتحقق رمانة الميزان ، كان لازم يقول إتزان!!! إتزان في كل فعل ورد فعل ،إتزان في كل هات وخد ٠إتزان لقلب كان مليان بالفرحة والتسامح ،كان كل ما يتجرح يسامح ،وكل مكان يتألم يداوي هو ألامه٠يدي لنفسه أمل أن اللي جرح هياخد باله ٠ويعمل حساب قلب مليان بالحب والتسامح ٠بس الظاهر أن اللي أتعود يجرح ،ويلاقي التسامح ،مالوش حل غير رفض التسامح ٠ ومش بس رفض التسامح ،دا هيلاقي لكل فعل رد فعل ،قلب بيصرخ ويقول إتزان!!! ولسان بيردد نفس الصوت معاه٠إتزان إتزان!!! ماهو الحياة والقلب محتاجين ،لرمانة ميزان٠تكون في شوية كلام أوكلمة حلوة وسؤال؛كمان محتاجين لرد إلا ساءة ورفض الإعتذارحتي لوكان ملح وكتير٠لأن القلب خلاص تعب من كتر المبررات والأعذار ٠وكل اللي محتاجه رمانه ميزان ،تحقق معاه إتزان علشان يرجع تاني يحس ويرجعلوه الأمان٠لأن القلب المليان بالتسامح ،بيقي صعب عليه الغدر ونسيان كل التسامح٠وما بيقبلش بعد كده الإعتذار،حتي لو كان بكل اللغات ٠
وفاء فؤاد