زرع فحصد٠٠٠

 

فاكرين لما كنا في المدرسة ،أخدنا الحروف علشان نعرف نكون كلمات وكمان نكون جملة٠وكانت أول كلمات كونها ،زرع وحصد ،قرأوكتب٠كنا برددها في المدرسة على أنها مجرد حروف أومجرد جملة٠لكن لما كبرت،وعديت بحاجات وقابلت ناس ٠ووقعت وقمت ،ووقفت ورجعت مشيت من تاني ٠لاقيت إن الحروف والكلمات اللي إتجمعت وكونت جملة ماكانتش بس علشان نقرأها ونكتبها٠الأهم بكتير أننا نفهمها٠،نفهم أن زي ما النبات محتاج تزرعه بذرة وتسقيه في الأول علشان تشوفه ويتكون٠, الحب والخير والحق والصدق ،حتي عاداتنا وتقاليدنا ٠كلها لازم تبدأ بذرة نرعاها ونتابعها لحد ما تتكون وتبدأ تطرح٠ما هو ماينفعش أستنا حصاد وأنا أصلاً ما رمتش البذرة٠ازرع على ما قد ما تقدر تزرع ،أزرع فكرة أزرع صورة ،ازرع كلمة ،أزرع بسمة ،وحتي كمان الذكرة٠أزرع أمل أو حتى العمل٠أي أن كان اللي هتزرع ،هيكون الحصاد نتيجة مابنزرع٠لأن الأصل زرع فحصد٠

وفاء فؤاد