"نهاية وجع"
يا شايل هم مش همك وحاكي لكل خلق الله يا ناسي في الوجع نفسك وزاهد عشق م بتلقاه طريقك كان لقى وفراق عتابك شال كتير عنك بتهور الصبر ع الايام وتنسي في العموم نفسك محدش باقي هيحاسبك "
- اى يحور مش هتبطلي تسمعي الأغنية دى بقا
- لا مش هبطل اسمعها ولو سمحتي كده عدي وشغليها
- لا مش هشغلها
- م تبطلي بقا ي هنا وسيبينى على راحتي
- لا مش مبطلة أنتي لازم تصحي من اللى انتي فيه
- اى اللى أنا فيه ما أنا قدامك تمام اهو وزي الفل
- متأكدة انك تمام يعني
- ايوة أنا هكدب عليكي لي يعني
- أصلي عيونك بتقول غير كده وصوتك بيقول غير كده ملامحك بتقول كلام تانى عكس لسانك
- لا أنا تمام
- بصي في عيني وقوليها
- لا مش هقدر
- عشان كلامي صح
- ايوة ي هنا كلامك صح مش قادرة أنساه مش قادرة حقيقي
- بس بقالكم كتير سيبين بعض
- فعلا بقالنا كتير بس انا جوايا حاجة راحت معاه حاجة مش كاملانة فيا حاجات كتير اوى اتغيرت من وقت ما اتخانقنا وبعدنا عارفة ي هنا حاسة قلبي بيوجع بيوجع اوى بس أنا تعبت من الوجع دا على قد ما كان الحب حلو على قد ما العذاب بتاعوا سواء شوق أو فراق أو أنك قلقانة صعب أوى شعور لا يطاق حقيقى بس أعمل اي قلبي مكنش ليا سيطرة عليه حب بغباء واهو بقا العذاب من نصيبوا لاخر العمر مش عارفة اعمل اي بجد حقيقى عايزة أصرخ بأعلى صوت من كتر الوجع اللى جوايا مش قادرة خلاص تعبت بجد حاسة اني هموت بجد
- حور … حور ردي عليا ي حبيبى اصحي بالله عليكي مش هتروحي مني يارب رجعهالي من تانى دى الحاجة الحلوة عندي رجعها ليا يارب لي بجد هو الحب العذاب صعب بس مكنتش أتخيل أن ممكن يكون بيموت من كتر الزعل عليه .. ربنا يرحمك يحور ويغفرلك واشوفك عروسة في الجنة وربنا جمعنا من تاني.
الكاتبة آية عادل