بعد 12قاعدة لوحدي
ف مكان هادي محدش جنبي
عقلي سارح ف النجوم
قاعدة أفكر ف اللي كان
وأحسب المسافات والزمان
كنا وكانوا وزي ما كنا
راحوا وبعدوا وأحنا فضلنا
وزي ما كان الحب أملنا
بقيني نتمنى الزهود
بنتفارق بقلب حزين
ونتقابل بدون مجهود
صدفة بصدفة بقينا نحس
ٱن القلب ما زال بيدق
واللي قال قلبك حجر
عاش وشاف الحجر بـيرق
والسؤال اللي شاغلني
ليه بييجي الحب ف ثانية
ومبيعملش حساب لفراق
ليه القلب عايش ف الدنيا
بس يرتكب الأخطاء؟
وليه مينفعش أحب وأعيش
باقي حياتي مع اللي بحبه؟
وليه مكتوب دايمًا على قلبي
يعيش العمر محدش جنبه؟!
وفجأة..
فوقت قبل ما عيني تدمع
لفت أنتباهي نجمة
من شدة ضيائها بتلمع
فجأه لقيتها تقيد وتطفي
كأنها بتطلب مساعدة
أو کحال ساعة حبيب
بتدق على وقت المواعدة
أو كشمعة على الشباك
والهوا بيعاكس ف نورها
أو كقلب صبية حلوة
من الخجل معدوم ظهورها
نجمة وحيده ف السما
بعيدة عن كل النجوم
بتشبه الشمس ف حياتها
ونورها زايد يوم بيوم
فجأة طفيت... اتفاجئت
فجأة قادت مرة تانية
بعد ثانيه زاد ضيائها
وزاد جمالها عشان وحيدة
زي وردة ف وسط صحرا
مستخبيه ف ورقها
وأكتشفت ساعتها إني
رغم الحزن اللي آسرني
فيا دايمًا شئ بيلمع
والأمل برضو ملازمني
دي الحياة بتتعاش لمرة
حلوة كانت أو حتى مُرة
وبإيديا أرسم طريقي
طول ما أنا ف الدنيا حرة
_شيماء_البنا