البارت 3
دكتور زين : فى اى يدكتور ....
دكتور وليد : الانسة وتين عندها سرطان في الدم والحالة متقدمة اووى .....
دكتور زين : انت متاكد ي دكتور وليد
دكتور وليد : انا راجعت الفحوصات كلها كذا مرة واهى معاك اتاكد بنفسك
دكتور زين : تمام يدكتور
مشى دكتور زين من عند دكتور وليد وهو بيفكر في وتين وازاى يقولها عن مرضها وقد اى هو اعجب بيها بس للاسف حتى فى دى مش هيعرف يحصل على اللى رايدها وفجأة دكتور زين يمسك الفون واتصل بوتين
دكتور زين : الو الانسة وتين معايا
وتين : ايوة ... مين حضرتك ..؟
دكتور زين : انا دكتور زين الدكتور بتاعك فى الجامعة
وتين : اهلا بحضرتك ... حضرتك اتصلت بيا فى حاجة ولا اى ؟!
دكتور زين : كنت عايز اقابلك عشان فى موضوع مهم عايزك فيه
وتين : استر يا رب .. تمام على الساعة 5 هنتقابل فى الكافيه اللى جنب الجامعة
دكتور زين : تمام .. هكون مستنيكى
وتين : فى اى ... ويترى موضوع اى اللى عايزنى فيه دكتور زين .... خايفة اوى يارب عدى اليوم دا على خير
جات الساعة 5 و وتين جهزت وراحت لقت الدكتور زين مستنيها ....
وتين : فى اى يدكتور
دكتور زين : اتفضلى ارتاحى
وتين حاسة بشوية دوخة بس تماسكت عشان تعرف دكتور زين عايزها في اى
وتين : حضرتك كنت عايزنى فى موضوع اى ...
دكتور زين : انا مش عارف اجيبلك الموضوع ازاى بس انتى لازم تعرفى ولازم تتعالجى ..... بصراحه كده يوتين انتى عندك سرطان فى الدم وفى مرحلة متقدمة .........
وتين : انا عارفة بكل دا ...
دكتور زين : ولما انتى عارفة لى متعالجتيش لحد دلوقتي
وتين : مش عايزة اتعالج وانا ربنا كاتبلى ميعاد هروح فيه من الدنيا دى
دكتور زين : انتى مفكرتيش فى والدتك ولا في سارة ولا حتى فى دراستك
وتين : اظن ان دا ميشغلكش يدكتور
دكتور زين : لاء يشغلنى
وتين : بصفتك اى ...؟!
دكتور زين : انا عايز ميعاد من والدتك ..
وتين : لى دا ان شاء الله....
دكتور زين : انتى عاجبانى وهطلبك من والدتك ....
وتين : عاجباك ولا شفقة منك عليا ..
دكتور زين : لا معجب بيكى من اول يوم فى المواصلات وانتى اخدتى قلبى معاكى
وتين : بس انا مش موافقة ... وعن ازنك .
قامت وتين ومشيت ودكتور زين قاعد متعصب ازاى تكلمنى بالطريقة دى
فى بيت وتين
وتين دخلت اوضتها وقعدت تعيط وقامت اتوضت وصلت و هيا بتقول الاختبار دا صعب اوى عليا يارب انا واثقة فيك وعندى يقين انك هتحل مشكلة مرضى ... متخذلنيش انا محتجالك يارب
نروح لعند زين
انا اعجبت بيها اوى انا عايزها وصلنى ليها يرب واجمعنا انا واثق فيك متخذلنيش ..
اتصل زين بسارة حكى ليها كل حاجه حصلت عشان تساعدو وحكالها قد اى هو عايزها وعايز يكمل حياتو معاها وسارة قررت تساعد زين عشان شافتوا انو يستاهل ان الشخص يبقى جنبوا وقد اى ان وتين هتكون مبسوطه معاه
وتين وزين بقوا اصحاب ودا بفضل سارة وكمان بتتعالج وزين بشجع وتين اوى ومعاه دايما فى كل الجلسات بتاعتها حتى لما كان شعرها بيوقع وهيا كانت مش عايزة حد يشوفها كده بس هو اقنعها قد اى هيا جميلة واهم جمال القلب والروح من جوا مش الشكل ابدا
والنهاردة اخر جلسة لوتين ....
زين : عاملة اى النهاردة يكتكوتة
وتين : كتكوتة ؟؟ واحدة عندها 23 سنة بيتقال ليها كتكوتة يسبحان الله ..
زين : ايوة كتكوتة واشطر كتكوتة فى الدنيا
وتين : انا خايفة اوى النهاردة
زين : من اى بس يقمر اتطمنى انا معاكى ويلا عشان ميعاد الجلسة الاخيرة هكون مستنيكى وفى مفاجأة حلوة اوى ليكى
وتين : يارب يعدى على خير ..وفى سرها انت حد كويس اوى يزين وانا حقيقى حبيتك اوى
راحت وتين الجلسة الاخيرة فى الكيماوى وخلصت الجلسة وخرجت
وتين : اى دا انتم هنا بتعملوا اى
مفاجأة مش كده
وتين واحلى مفاجأة فى الدنيا امى وسارة و زين يخليكم ليا يا رب
زين : بصى ي امى انا النهاردة بطلب ايد وتين منك
ام وتين : وانا مش هلاقى شخص يحب بنتى قدك يعمل اللى عملوا عشانها
زين : استنى كده اهو الدبل
ام وتين : للدرجادى يعنى مستعجل
زين : بنتك دى طلعت عينى
وتين : ربنا يسامحك ياخى
لبسوا الدبل وكانو احلى اتنين والمستشفى كلها سقفت ليهم وكانت الفرحة والبهجة عمت على المكان كلوا وحددوا كتب الكتاب كمان بعد 3 شهور عدت ال 3 شهور بضغط نفسى وبس كان فى تفاهم وفرحة بين الطرفين والنهاردة كتبت الكتاب والكل فرحان وتين كانت احلى عروسة بالابيض الهادى اللى كانت لابسه وزين مزهول من جمالها وانو حبها وعشقها اوى
المأذون : بارك الله لكما وبارك عليكما وجمع بينكما في خير
زين راح لوتين وحضنها جامد ولف بيها كتير وقالها بحبك اوى يوتينى وخلاص بقيتى بتاعتى وليا لوحدى
وتين : يخليك ليا يزينى وهيا بتعيط من الفرحة وزين عيط من الفرحة حلموا وحب حياتوا حصل عليه بعد معدوا حاجات كتير اوى صعبة بس هو فاز بيها
وبكده خلصت #أميرة_قلبى
للكاتبة آية عادل "توڤانا"