الحزن معشش فى تفاصيلنا



 الحزن معشش فى تفاصيلنا 

والحلو ضاعت الوانه 

ضاع نص شباب جيلنا 

ومن وجع القلب وأللامه 


كم مره الضحكه طلعت صافيه 

كم مره الاحضان كانت دافيه 

الطيب فى زمنا زعيم مافيا 

والفرح ضاعت الوانه 

ضاع نص شباب جيلنا 

من الحزن دايما بيعانوا 


عرفنا معنا الاكتأب بدرى 

وشلنا الهموم كمان بدرى 

ياصحبى ده قدرى 

فبقول ديما الحمد لله 

انا واحد ربه معاه 

ومش فارق معاه الدنيا 

خبط صحبى على كتفى 

وقال والله الحمد الله 

بس انا زعلان من الفرصه 

الى بناعانى علشانها 

وغيرنا بياخدها بدون معاناه 


انا شوفت اكتر من مره 

وشوفت فى شباب جيلنا


شباب طايش فى نص الليل 

وشباب بتعانى طول اليوم 

وشباب مقضى نهاره نوم

وشباب فى الهموم عماله تشيل 


ده للأسف الى جرالنا 

وتلاقينا دايما راضين

بنضحك تملى على حالنا 

وجوه القلب فى سكاكين 

وبنرجع بردوا نقول راضين 

طالما بفضله لسه عايشين 

هنعدى كل الى جرالنا 

وهنبنى ببكره احلامنا 

مدام الدم فى الشراين 


گ:محمد هيثم عطيه «عازف الليل»

إسلام إيهاب

أكتُب ما لا أبوح بِه؛ لطالما كان قَلمي خير جَليس. _ إسلام إيهاب

إرسال تعليق

أحدث أقدم