وأتقابلنا بعد مُدة
طال غيابه ولسه فاكرهُ
نظرة واحدة لمسة واحدة
طيّرِت للقلب عقله
وأتقابلنا ولما سَلِّم
قالي فينَك كنت غايب
رد قلبي قوام واتكلم
العتاب على شخص سايب
العتاب هيكون على اللي
ع الفراق كان قلبه قادر
وأنت سبت القلب وحده
ولو نسيتني أنا لسه فاكر
لسه ريحتك ساكنه روحي
لسه إيدك لامسه إيدي
لسه بتهوّن جروحي
وحبي ليك ساكن وريدي
قولت هنسى وسنه سنه
اتثبّت ف عقلي أكتر
قلبي داب يوم ما أتقابلنا
وأتصالحنا بدون ما أفكر
_شيماء_البنا
القسم:
شعر