وقفنا المره اللى فاتت لما وعد راحت لتارا المستشفى وشافتها هى وجاسر ورومير وفرحوا جدا انها فاقت.
جاسر: هيحصل اى يا وعد بعد كدا، وناوية على اى؟
وعد: هنخفي تارا الاول، وبعدين هقولكم نعمل اى؟
جاسر ورومير: تمام يا وعد.
وبعد كدا بصوا لبعض فى صمت مريب، والكل خايف من اللى جاى، وبعد كدا زين جه عليهم،
وقال: ها يا وعد، هتعملى اى؟
وعد: طمنى الاول كل الشغل اللى قولتلك عليه تمام؟
زين: كله تمام والمراقبة مستمرة، وكمان عرفنا ان عيلته هتنزل مصر خلال اسبوع.
وعد: كويس جدا.
زين: اى الخطوة الجاية؟
وعد: يلا نروح على المكان بتاعنا الاول.
زين وجاسر ورومير: تمام يلا.
ونزلوا هما الاربعه ووعد قالت للحرس روحوا انتم على البيت ما عدا مارك طبعا، وراحوا لمكان تانى خالص وهما ماشيين فى الطريق دخلوا على طريق غريب.
رومير: اى دا يا مارك انت رايح فين؟
وعد: على المكان الجديد بتاعنا.
جاسر: نعم ياااختى ودا طلع امتى ان شاء الله؟
زين: من دلوقتي وياريت تسد زورك.
رومير: يسد زوره؟، هو اى اللى يسد زوره اومال نفهم ازاى يعنى نكلمكم بالاشارات؟
زين: يا ابنى هقوم ادغدغك اتلم.
رومير: تدغدغ مين يا حبيبي لا بقولك اى اظبك كدا؟
جاسر: ايوا اظبط كدا بدل ما نلبسلك قضية آداب وانت ظابط كبير وليك شرفك اه.
زين: اه يا ولاد الكلب، طب استنوا بس عليا.
وعد: اخرس يا حيوان منك ليه ليه، اى ملكوش كبير، مسمعش صوت واحد فيكم لحد ما نوصل، اكتموا.
زين وجاسر ورومير: حاضر يا فندم.
وعد: ناس مش بتيجى غير بالتهزيق صحيح.
وبعدين هما التلاته بصوا لبعض وكتموا ضحكهم، ومارك بيضحك عليهم وفرحان فيهم، بعد كدا وقفوا فى مكان فى الجبل
ومارك قال: وصلنا يا وعدى.
وعد: تمام يا مارك.
ونزلت من العربيه وهما نزلوا وراها،
وقالت: حمدالله على السلامة يا فريق الظلام.
جاسر: اى المكان دا يا وعد ولى جبتينا هنا؟
وعد: ندخل الاول يا جاسر متقلقش.
وبعدين وعد مشيت وهما مشيوا وراها ودخلت فى ممر طويل مليان شجر شبه الغابه بظبط، وبعدين وقفت قدام باب وطلعت مفتاح وفتحت ودخلت وهما دخلوا وراها.
رومير: البيت دا تحفه بسم الله ماشاء الله.
جاسر: امتى جبتي البيت دا يا وعد؟
مارك: البيت دا جاهز بقاله خمس شهور بس وعد جهزته علشان لما يكون فيه اى خطر عليكم تيجوا هنا، ولما تحبوا ترتاحوا تيجوا هنا،
وعد كملت: وكمان فيه غرفه مجهزه بالاسلحه ووسائل المراقبه الحديثه وتتبع المكان ودا اللى هيتزرع فيكم من هنا ورايح علشان لو حصل اى حاجه وجاكسون عمل اى حركة غدر يكون كل واحد فينا عارف التانى فين، بالاضافه ان انا جهزت غرفه هنا لتارا تيجى تقعد فيها هنا بعيد عن اى دوشه وتختفى عن عيون الناس وخصوصا جاكسون، وكمان كل الخطط وكل حاجه هتبقى هنا، وخلال نص ساعه تارا هتكون هنا.
رومير: طب لى مقولتيش على كل دا لينا؟
وعد: لان عارفه انكم فضولين وطاقه منكم وهتيجوا هنا واحتمال كبير يكون حد بيراقبكم.
جاسر: معاكى حق هى طاقه مننا فعلا.
زين: كويس انكم عارفين.
جاسر: تلاشااانى يا عم انت بقااااا.
زين: ولاااا اتلم.
جاسر: شايفنى متبحتر يا اخويا؟
وعد: تخرس منك ليه بدل ما هطردكم برا.
جاسر وزين: تمام يا فندم.
بعد نص ساعه تارا وصلت ودخلوها الاوضه الخاصه بيها.
وعد: حمدالله على السلامة يا حبيبي.
تارا: الله يسلمك يا وعدى.
وعد: هتفضلى هنا لحد ما نأمن كل حاجه برا وبعد كدا هتخرجى وهعلنك لكل.
تارا: ماشي بس خالى بالكم من نفسكم يا وعد.
جاسر بحنيه: متخافيش يا حبيبي.
رومير: متقلقيش كلنا هنحمى بعض.
زين : دا اكيد طبعاً.
مارك: كلنا فى ضهر بعض.
وعد: ودلوقتى هقولكم هنعمل اى.
كله انتبه لوعد،
وعد: دلوقتي كل حاجه هتمشي طبيعى، وهتفضل المراقبه على جاكسون زى ما هى بظبط، لحد ما عيلته توصل لمصر بالسلامة هنعدى يومين بظبط وبعدين هنبدأ فى انتقامنا.
زين: هيكون ازاى الانتقام يا وعد؟
وعد بابتسامه شيطانيه: لا دى سيربرايز بقا يا زينى.
جاسر: مش مرتحلك يا وعد.
رومير: عليا طلاق تلاته ما مطمنلك يا وعد.
وعد: حقكم مش تطمنوا ولا ترتاحوا، بس اتهدوا شويه.
وبعدين وعد طلعت فونها لقت أسر رن عليها حوالى 30مره.
وعد: يالهوى أسر رن عليا تلاتين مره.
زين: العب.
وعد: اتلم يا ابن الجزمه.
جاسر: يا شيخه اتهدى بقااا.
وعد: هروح اشوف عاوز اى وارجعلك يا حيوان اشوف مين اللى تتلم.
وعد رنت على اسر،
أسر: اى يا وعد مش بتردى لى؟
وعد: الفون كان سيلنت ومأخدتش بالى منه، فى حاجه؟
اسر: لا مفيش، اصلك منزلتيش الشركه فقولت اطمن عليكى يكون فيه حاجه.
وعد: لا مفيش الحمدلله بس كنت بخلص كذا حاجه كدا خاصين مش اكتر.
أسر: كله تمام يعنى؟
وعد: ايوا كله تمام الحمدلله.
أسر: لو احتجتى أى حاجه كلمينى.
وعد: تسلم يا أسر.
أسر: على اى بس، يلا هقفل انا واسيبك تكملى اللى كنتى بتعمليه.
وعد: مع السلامه.
أسر: مع السلامه.
وقفلوا، وبعدين وعد اخدت نفس طويل وعميق، راحت لشباب.
تارا: فى حاجه يا وعد؟
وعد: لا با حبيبي مفيش حاجه كان بيطمن احنا منزلناش الشركه لى.
تاارا: تمام.
وعد: كدا خلاص هنمشي احنا دلوقتي يا تارا علشان محدش يحس بحاجه، ولو احتاجتى اى حاجه كلمينى فى الفون على طول، الفون جنبك اهو وارقامنا عليه.
تارا: تمام، خدوا بالكم من نفسكم.
وعد وجاسر ورومير وزين ومارك: حاضر.
وبعد كدا مشيوا.
ياترى هيحصل اى، واى اللى هيجى فى حياة اسر ووعد وهيحبوا بعض ولا لا؟
هنعرف كل دا الفصل الجاى.
بقلم: داليا علاء ꧁الإمبراطورة꧂