وقفنا المرة اللى فاتت لما مارلين واسر روحوا على الفيلا، وكانت جدتهم عامله مفاجأة لمارلين بمناسبه رجوعها بس سنين غياب، بتدرس فيهم برا.
مارلين: هى ستو مجتش معاك لى يا ابيه؟
اسر: لان ستو يا حبيبتي عندها شوية برد فانا قولتلها لا مش هتخرجى من هنا.
مارلين: اها، يبقى ادخل بطريقتى كالعادة.
اسر: استنى بس يا هبله رايحه فين؟
مارلين بصوت عالى: ستووووووووووو، انا جيت انا وصلت يا فيلا كئيبه من غيري.
اسر بضربه على دماغها خفيفه: يا بت بطلى تجعرى مش هتتغيري ابدا.
مارلين: يا عم سيبنى اطلع اللى مكبوت جوايا.
ستهم من وراهم: حمدالله على السلامة ملكة عيلة الراجحى.
مارلين: ستو وحشتينى.
وطلعت مارلين تجرى على ستها وحضنتها واسر واقف بيتابع الموقف بابتسامه سعيدة برجوع اخته وكدا بتكون عيلته المكونه منه ومن ستو واخته اكتملت.
ستو فاطمه: واقف بعيد لى يا اسورة يا حبيبي تعالى.
اسر رحلهم وحضنهم بحب،
وقال: بحبكم يا احلى عيله.
ستو ومارلين: واحنا كمان بنحبك يا حبيبي.
وبعد كدا ستهم قالت لشغاله حضري السفرة وهاتى التورته اللى انا عملاها لمارلين مخصوص لما مارلين تطلع تغير وتنزل، وبعد كدا اسر قعد هو وستوه فى الصالون واسر كان سرحان وستوه اخدت بالها.
ستوه: بتفكر فى اى يا اسر؟
اسر: بفكر فى موت بابا وامى يا ستى.
ستوه: لسه برضو يا اسر؟
اسر: ومش هرتاح غير لما اعرف هما ماتوا كدا ولا اتقاتلوا.
بعد كدا سكتوا لما سمعوا صوت مارلين نازله وستوه سكتت لان هى اللى معاها السر الكبير اللى محدش يعرفه.
ستوه: تعالى يا مارلين اقعدى جانبي.
مارلين: تعرفوا ان البلد وحشتنى جدا وعاوزه انزل الف فيها شويه.
اسر: اخدك بعد الغد ونروح نلف زى ما انتى عاوزه.
مارلين: لا يا حبيبي انا هنام لان جعانه نوم، وبعدين اخرج الف بكرا لوحدي لان عرفاك فرهود.
اسر: انا فرهود يا بت انتى؟
مارلين: ايون.
اسر: طب تعالى بقا.
مارلين بصريخ: الحقيني يا ستى دراكولا هتكولنيييي.
ستهم بضحك: بس انتم الاتنين ويلا الاكل جهز.
وراحوا هما التلاته علشان يتغدوا.
عند وعد كانت هى لسه صاحيه من النوم، ونزلت تشوف الباقي ملقتش حد.
وعد: ليزا.
ليزا: ايوا ميس وعد
وعد: فين الباقي لسه مصحوش؟
ليزا: مستر زين صحي بدرى ونزل وقالى اقولك ان هو جاله شغل مهم، انما مستر مارك واسر ورومير لسه نايمين، اصحيهم؟
وعد: لا سبيهم بقالهم فترة منموش كويس.
ليزا: احضر لحضرتك الفطار؟
وعد: لا انا هطلع اخد دش وانزل اروح الشركه.
ليزا: تمام.
وطلعت وعد اخدت دش ولبست بدله بلون اسود ونزلت راحت على الشركه على طول، ووصلت الشركه ودخلت المكتب، وروكسانا دخلت وراها.
روكسانا: تؤمرى باى ميس وعد؟
وعد: حضرلى الملفات اللى المفروض تتمضى ولسه متمضتش واى ملفات محتاجه مراجعه هاتهالى، واه هتطولى معايا انهارده لان مستر رومير ومستر جاسر يمكن ميجيش.
روكسانا: تمام ميس وعد.
وعد: تمام يلا بسرعه، لاننا متاخرين جدا.
وبعد كدا وعد فضلت تشوف الملفات وتمضي وتراجع الملفات، وبعد ساعه ونص من المراجعه وعد خلصت، وطلبت قهوة،وقامت وقفت قدام الشباك المطل على الطريق والشارع،وفضلت تشرب فيها وهى سرحانه.
في الفيلا جاسر صحى ونزل لليزا.
جاسر: ليزا وعد فين؟
ليزا: ميس وعد صحيت الضهر ولبست ونزلت الشركه.
جاسر: ولى مصحتناش؟
ليزا: قالت خليهم نايمين منموش بقالهم فترة.
رومير من وراهم: دا اى الكرم اللى نزل عليها دا.
ليزا: احضر ليكم فطار؟
رومير: لا فطار اى احنا يدوب نلحقها.
جاسر: نلحق مين دا احنا هنطبق شهر لقدام اصبر بس.
وبعد كدا وعد اتصلت بليزا.
ليزا: الو ميس وعد؟
وعد: رومير وجاسر صحيوا.؟
ليزا: ايوا صحيوا ونزلوا وجايين لحضرتك على الشركه.
وعد: تمام.
جاسر ركب عربيته،
وقال لرومير: بقولك اى انا هروح كدا اجيب شوية حاجات، وانت اسباقنى على الشركه.
رومير: تمام متااخرش وخد بالك من نفسك، بس هتجيب اى؟
جاسر: عاوز اجيب شوية ورد علشان لو روحنا لاختنا.
رومير: اها اوك يلا سلام.
جاسر: سلام.
فى فيلا اسر، اسر صحى ونزل الشركه، وكمان صحيت وراحت صحت جدتها.
مارلين: ستو ستو، فاطمه اصحى يا فاطمه علشان نفطر.
ستها: لسه لسانك طويل زى ما انتى.
مارلين: مش هتغير انا قولت.
جدتها: حضرتى الفطار.
مارلين: الفطار جاهز وانا لابسه وجاهزه علشان انزل الف فى البلد شويه، واسر نزل الشركه.
جدتها: طب يلا.
وبعد كدا مارلين وجدتها فطروا ومارلين نزلت البلد تلف ولما مارلين وصلت السوق كانت ماشيه على رجليها وبتكلم صاحبتها فى الفون وبيضحكوا، وجاسر بيلف بالعربيه وهى فجأة جت قدامه فخبطها.
مارلين: اه حاسب يا حيوان.
جاسر اتخض ونزل جرى من العربيه.
جاسر: انتى كويسه يا انسه، وفى اللحظه اللى مارلين لفت فيها لجاسر شاف بنت فكرها جايه من عالم ديزنى بسبب جمالها.
مارلين: كويسه ازاى منك لله رجلى ااااااه.
جاسر: انا اسف والله يا انسه، حضرتك جيتى قدامى فجأة.
مارلين: انا هكلم اخويا واخليه يجى يطربقها على دماغك ودماغ عيلتك اللى مركبينك عربيه.
جاسر: لا دا انتى قليلة ذوق بقا.
عند اسر كان فى اجتماع وفجأة شاف اسم مارلين على الفون بتتصل بيه استأذن ورد عليها.
اسر: الو يا حبيبي
مارلين بعياط: اسر الحقنى فى عربيه خبطتنى.
اسر: انتى بتقولي اى؟
مارلين: والله دا اللى حصل وهو دلوقتي بيلف العربيه علشان باخدنى على المستشفى.
اسر: اعرفي مستشفى اى وكلمينى انا جاى حالا.
مارلين: حاضر.
جاسر اشتال مارلين واخدها على العربيه وطلع بيها على المستشفى، ولما وصلوا طلعوا مارلين على الاوضه، وجاسر اتصل بوعد.
عند وعد كان رومير وصل وقاعد معاها.
وعد: جاسر فين؟
رومير: قال ان هو هيروح يجيب ورد علشان لو روحتا لاختنا.
وعد: تمام.
وفجاة لقت فون بيرن باسمه.
وعد دا جاسر.
رومير: شوفى عاوز اى؟
وعد: الو يا جاسر
جاسر: وعد انا خبطت واحده بالعربية ودلوقتى انا فى مستشفى****** تعاليلى لو سمحتى لان عماله تصرخ وهى اصلا طلعت قدامى فجاة.
وعد: ودا حصل ازاى؟
جاسر: معرفش تعالى بس الاول.
وعد: انا جايه حالا
رومير: فى اى؟
وعد: جاسر خبط واحده بالعربية تعالى نروحله فورا.
وبعد كدا نزلوا علشان يرحولوا.
ياترى هيحصل اى، واسر هيكون رد فعله اى ووعد كمان؟ هنعرف كل دا الفصل الجاى.
بقلم: داليا علاء "الإمبراطورة"