ماذا يحدث إن التقى حبيب الماضي، مع حبيب الحاضر.
صبا بنت اخدت كلية اعلام وبقت اعلاميه مشهورة جدا، ولكن وهى فى الكلية قابلت جمال وحبوا بعض جدا، ولكن مامتها منعتها من الحب دا وقالت لها انهم مش هينفعوا لبعض، وصبا بعدت عن جمال ومبقوش يتقابلوا، بعد كدا قابلت صبا حاتم وحاتم حبها واتجوزوا، ولكن اللى هيحصل بعد كده صدمه لكل.
بعد مرور عشر سنوات.
مدير صبا فى القناة: صبا لازم تعملى مقابلة مع جمال.
صبا: جمال عبد الكريم، المشهور بجيمي اندرسون.
صبا: قصدك بطل الرمايه المشهور.
مدير صبا: ايوا بظبط، ولازم تروحى تقابليه علشان يوافق.
صبا: دا مستحيل.
مدير صبا: مفيش حاجه اسمها مستحيل لازم تروحى لان دا هيغير مصير القناة وهينقلها نقله تانيه.
صبا: تمام.
صبا رجعت على مكتبها وفضلت قاعده تفكر وافتكرت كل حاجه حصلت معاها هى وجمال، وقصة حبهم، وان جمال رجع تانى.
وفى الوقت دا حاتم اتصل عليها.
صبا: الو.
حاتم: ايوا يا حبيبتي، يومك تمام؟
صبا: ايوا كله تمام يا حبيبي.
حاتم: صوتك ماله يا صبا؟
صبا: مفيش يا حبيبي، بس عاوزين هنا فى القناة يصطديفوا جيمى اندرسون ولازم اروح اقابله علشان يوافق ان هو يطلع معانا.
حاتم: طب يا حبيبي متزعليش نفسك وروحى شوفي الشغل خلصيه، وبعدين نتقابل يكون انا خلصت.
صبا: لسه قدامك كتير؟
حاتم: لا كام قضيه كدا بس.
صبا: تمام.
وبعد كدا قفلت صبا مع حاتم وفضلت تفكر يا ترى المقابله هتكون ازاى مع جمال وياترى اى هيحصل لما يتقابلوا، وفضلت تفكر كتير جدا، لحد ما قطع تفكيرها خبط الباب.
فريدة المساعدة بتاعت صبا: صبا المدير بيقول ان لازم نروح لجيمى دلوقتي.
صبا: تمام يلا بينا، اتفقتوا مع مدير اعماله؟
فريدة: ايوا كله تمام وهو فى انتظارنا.
وخرجت صبا وبعد ساعه وصلت عند بيت جيمى ونزلت.
وخبطت الباب ودخلت والمفاجأة ان زوجة جيمى كانت صاحبة صبا من ايام المدرسه.
صبا: هدى؟
هدى: صبا ازيك عامله ايه؟
صبا: الحمدلله بخير.
هدى: مكنتش متوقعه ان بعد السنين دى كلها نتقابل، وكمان المذيعه المشهورة صبا مبارك هى اللى هتعملى انترفيو مع جيمى جوزى.
صبا: اه الدنيا كبيره فعلا.
جيمى دخل عليهم: هدى حبيبتي.
هدى: اى يا حبيبي.
جيمى: اعملى حاجه لضيوف.
هدى: حالا.
وقفت صبا وجيمى يبصوا لبعض شويه.
ياترى هيحصل اى بعد كدا، هنعرف دا الفصل الجاى.
بقلم: داليا علاء. "الإمبراطورة"