اسكريبت بعنوان: يوم جامعي.

 


دخل الدكتور القاعة، وأخبرنا أنه سوف يتحدث اليوم في موضوع يحبه الجميع. 


أنا: اى هو الموضوع يا دكتور؟ 

الدكتور: هو موضوع بتحبيه جدا يا ريناد. 

انا: شوقتنى يا دكتور جدا اى هو؟ 

الدكتور: علم النفس.

أنا: اوووه، بحب علم النفس جدا. 

الدكتور: هنتناقش مناقشه عاديه، ودا زى يوم ترفيهي كدا. 

والدكتور بدأ يتناقش مع الكل، وأنا قاعده أسمع، لحد ما الدكتور طرح سؤال. 

الدكتور: دلوقتي انا هسألكم سؤال، جاهزين؟ 

المدرج كله: جاهزين يا دكتور. 

وكان الكل متحمس جدا للمناقشه دى وخصوصا انا لان بحب علم النفس جدا وكان نفسي ابقى دكتورة نفسيه بس ربنا مأردتش والحمدلله، نرجع تانى للمناقشه ونشوف سؤال الدكتور. 

الدكتور: لى ناس كتيره منكم حبت تدخل طب وتتخصص فى مجال علم نفس بذات، مع الرغم ان بعض البشر بيقولوا على الدكاتره النفسيين انهم مجانين؟ 

ومن هنا بدأ الكل يفكر شويه وبعدين بدأت الناس تجاوب. 

زميل1:انا اخترت طب نفسي وكان نفسي فيه لان انا بحبه. 

زميلة2: انا بحب حاجه فاخترتها، ومش مهم كلام الناس انا اللى هشتغل مش هما. 

زميل3: لو فضلنا نسمع لكلام الناس مش هنعمل حاجه بنحبها ولا هنتقدم. 

زميلة4:كلام الناس عمره ما هيقدمنا يا دكتور، بالعكس هيرجعنا لورا الف خطوة. 

زميلة5: وهما الناس قالوا على الدكاتره النفسيين دجاليين بناءا على اى؟ 

هما كانوا اتعاملوا معاهم كلهم، اكيد لا، المفروض مش يقولوا كده، لان كدا بيضروا بسمعة الدكاتره بسبب دكتور واحد مش عارف حاجه. 

زميل4: الدكاتره النفسيين مهمين جدا فى حياتنا، في بعض الناس لو لا الدكاتره دول كان زمنهم ماتوا كافرين. 

زميل5: معظم الناس على فكره فى الوقت دل بذات محتاجه لدكاتره النفسيين اكتر من اى حاجه. 

وانا كل دا وانا قاعده اسمع اجابات زمايلى ومش بقول اى حاجه ولا اتناقشت مع الدكتور، وقاعده سرحانه فى اجاباتهم، لدرجة ان الدكتور لاحظ دا، وهو عارف ان انا شغوفه جدا بطب النفسي واى حاجه بتتعلق بيه. 

الدكتور: ريناد، ريناد. 

الدكتور نادى عليا كذا مرة وفين لما اخدت بالى. 

انا: ها، نعم يا دكتور. 

الدكتور: اى يا ريناد روحتى فين؟ 

انا: اسفه يا دكتور سرحت شويه. 

الدكتور: طب انا عاوز اسمع اجابتك، لى لما قررتى تروح طب وكان نفسك فيه، قولتى هاختار طب نفسي؟ 

انا: اخترت كدا لاسباب كتيره. 

الدكتور: زى اى الاسباب دى؟ 

انا: ان اول حاجه كنت هعملها ان هنزل حملات توعيه، توعى الناس بمخاطر الاكتئاب والتعب النفسي، وكمان كنت هعمل دورات كتيره بخصوص الموضوع دا، كنت هشوف اى ام بتقول ان بنتها مش مجنونه لمجرد ان حد قالها لازم تروح لدكتور نفسي، كنت هفهم العالم ان الدكاتره النفسيين مش مجانين، او بيعالجوا مجانين بس، لا بالعكس دا بيساعدوا اللى عندهم اكتئاب فى انهم يتخلصوا من دا، ويتخلصوا من وسواس قهرى جواهم، ويتخلصوا من حاجات كتيره جدا، بتؤدى فى الاخر للانتحار، وطبعا دا بيكون ميت كافر، وخصوصا الشباب الظاهره دى منتشره ما بينهم جدا، بسبب اهمال الاهل فى انهم يودوا ولادهم لدكتور نفسي. 

الدكتور: خلصتي؟ 

انا: ايوا. 

الدكتور: حقيقي عجبني تفكيرك جدا يا ريناد، برافو عليكى، وانا متاكده انك لو كان ربنا اراد انك تروحي طب، كنتى هتبقى اشطر وافضل دكتوره فى اى تخصص تاخديه. 

انا: شكرا يا دكتور. 

الدكتور: العفو، وبكدا يا شباب تنتهى محاضرتنا انهارده. 


بقلم: داليا علاء "الإمبراطورة"

إسلام إيهاب

أكتُب ما لا أبوح بِه؛ لطالما كان قَلمي خير جَليس. _ إسلام إيهاب

إرسال تعليق

أحدث أقدم