وقفنا المره اللي فاتت لما أسر اخد مارلين وراح على البيت، ووعد وجاسر ورومير راحوا على الشركه.
وعد وصلت الشركه هى وجاسر ورومير، ودخلت مكتبها.
وعد لرومير: شوف الشغل اللى متراكم ومفروض يخلص.
رومير: تمام.
وعد: جاسر هتروح تشوف الارض اللى هنتبرع بيها ونبنى عليها المدرسه للاطفال الايتام، وكذا الارض اللى هنبني عليها الملجأ، وتعمل عليهم هما الاتنين مُعينه.
جاسر: تمام، ولو لقيت كل حاجه كويسه، اشوف مواد البناء؟
وعد: بظبط كدا شوف مواد البناء، وهكون خلصت انا ورومير التصميم.
جاسر: تمام.
بعد كده كل واحد راح يشوف اللى وراه، عند اسر، اسر وصل الفيلا ونزل من العربيه واشتال مارلين ودخل بيها واول ما دخل ستهم شافتهم، وطلعت تجرى عليهم.
ستهم: يا نهار ابيض مالها مارلين يا أسر؟
أسر: اهدى يا ستي حادثه بسيطه بس.
ستهم: بسيطه ازاى ورجلها متجبسه؟
مارلين: اهدى يا ستو وتعالى هحكيلك كل حاجه.
ستهم: ادينى جايه لما اشوف اى حصل.
وطلع أسر اوضة مارلين وحطها على السرير وقاعد جانبها وستهم قاعدت الناحية التانيه.
ستهم: ها احكولى حصل اى؟
مارلين: احكي يا اسورة لان انا زورى بااااظ من العياط
أسر: يا ستى مفيش حاجه كانت ماشيه وطبعا مبهورة بالسوق والااجواء وفيه عربيه جايه فظهرت قدامها فجأة، فخبطتها، ودلوقتى رجلها شرخ بس راحه لمدة شهر وهتبقى كويسه، بس طبعا لازم تغذيه.
ستهم: هاقوم اعملها اكل حالا، وانت طبعا هتتغدى معانا.
أسر: لا انا يدوب اروح الشركه اخلص اللى ورايا.
مارلين: خد بالك من نفسك يا اسورة وابقى سلملى على وعد، وغمزتله.
أسر: صدقيني بدل الرجل الواحدة هتبقى اتنين.
ستهم: هو فى اى؟
أسر: ولا حاجه يا ستي بتخترف.
مارلين: طب والله البت موزه.
أسر: بس يا بيئه.
ستهم: روح يا حبيبي شغلك لان البت دى هتعطلك.
أسر: حاضر يا ستي، مع السلامه.
وبعد كدا أسر راح على شغله.
أسر لسكرتيره: عاوز كل الملفات المتأخره تكون على مكتبي حالا.
السكرتيره: حاضر مستر أسر.
وبعد يومين.
وعد اتصلت على أسر.
أسر: ألو.
وعد: الو ازيك يا اسر.
اسر: الحمدلله بخير، وانتم اخباركم ايه؟
وعد: الحمدلله كلنا بخير، مارلين عامله ايه؟
اسر: الحمدلله بقت أحسن.
وعد: الحمدلله، طب كنت بتصل علشان اقولك اننا نيجى نزورها انهارده بليل، دا لو انت فاضي طبعا.
أسر: اكيد طبعا تنورونا لو مش فاضي افضى ليكم.
وعد: تسلم، اشوفك بليل.
اسر: ان شاء الله.
يا ترى هيحصل اى بعد كده؟ هنعرف الفصل الجاى.
بقلم: داليا علاء"الإمبراطورة"