غيابك عني قواني
وجودي معاك بيضعفي
هعوز م الدنيا إيه تاني
بقيت أقوى ما تعرفني
بقيت اتحدى أي ظروف
عايش ف الدنيا من غير خوف
بقيت قادر أقول سنجل
عملت لي بالفراق معروف
بقيت أقوى... وأنا أبعد
بقيت أجمل... بقيت أسعد
عرفت إزاي يكون الفَرْح
كطير م الحب كان مجروح
لكن دلوقتي طاب الجرح
غيابك عني مكسرنيش
دا بعدك عني قواني
ويلا ف داهيه روح متجيش
وعيش ف الدنيا وحداني
ولو على قلبي مش موجوع
ومش خايف من الوحدة
هعيط يوم، يجوز اسبوع
لكن بعد العياط ههدى
دا حبك يعني مش ادمان
مجرد صفحة هقطعها
وهتعالج من الحرمان
وبُكرة الضحكة تسمعها
وهتشوفني بقلب جديد
هتستغرب من القسوة
دا بعدك عني بالتأكيد
هيجعل للحياه معنى
غيابك خير لقلبي أكيد
كفاية قدرنا نستغنى.
_شيماء_البنا