أول لقاء بعد السنين
نظرة حنين شدتني ليه
بتقول ما تيجي نعيد زمان
نفس المكان واقفين عليه
لحظة سكات
هتعيد حاجات
تكسر حواجز كات ما بينا
تعيد ما فات
هتعيد سنين
هتجيب حنين
يرجع غرام الماضي كله
ف ثانيتين
وآهي فرصة نسأل كنا فين
وعملنا إيه ف مُر السنين
البعد كان اسوأ قرار
دوقنا المرار معجون حنين
هنقول نعود
ونقول وعود
ونجيب معانا الذكريات
واتنين شهود
نكسب غرام
ننسى الملام
نبني لهوانا أعلى القصور
رغم الحطام
ووافقت فورًا هعمل إيه؟
ما أنا زيي زيُه دايبة فيه
حققنا أحلام السنين
وبقالنا بيت يجمعنا فيه
_شيماء_البنا
القسم:
شعر